Tərkibi:
Xəmir:
4 yumurtanın ağı
1 stəkan şəkər tozu
4 x/q. bal
1/2 ç/q. sirkədə söndürülmüş soda
150 q ərinmiş kərə yağı
2,5 stəkan un

Krem:
2 stəkan 30%-li xama
4 yumurtanın sarısı
1 stəkan şəkər pudrası
300 qr yumşaq kərə yağı
1 x/q. alkoqol (konyak, viski, rom)

İç:
300 qr qara gavalı
1 stəkan xırdalanmış qoz

Hazırlanması:
Yumurta ağlarını bir çimdik duzla ağarıncayadək çalın. Şəkər tozu, bal, sirkədə söndürülmüş soda, kərə yağı əlavə edib yenə çalın. Tədricən ələnmiş unu əlavə edib qaşıqla qarışdırın.
Xəmiri 3 yerə bölün.
Bir hissəsini perqament döşənmiş formaya qoyub hamarlayın. 180 dərəcə qızdırılmış sobada 10-15 dəqiqə bişirin. Digər korjları da eyni qayda ilə bişirin.

Krem: kərə yağını yumurta sarıları və şəkər pudrası ilə çalın, tədricən xamanı və alkoqolu əlavə edin.
Qara gavalını öncədən isladın, sonra süzüb xırda doğrayın.
Bir korjun üzərinə qalın lay krem çəkin, qara gavalı və qoz səpin. İkinci korju da qoyub prosesi təkrarlayın. Üçüncü korju qoyun, üstünə və kənarlarına krem çəkin, kənarlarına yalnız qoz vurun, üstünə isə qozla gavalı səpin.

Nuş olsun!