Tərkibi:
Heyva 1 kq
Alma 1 kq
Şəkər tozu 0,5 kq
Limon 0,5 ədəd
Qaymaq 0,5 ml

Hazırlanması:
Heyvanın qabığı soyulur, iki hissəyə bölünür, ortasında çuxur yaranacaq şəkildə özəyi çıxarılır. Almalar xırda doğranır, soba listinə düzülür, almanın üzərində özəyi yuxarı olmaq şərtilə heyvalar düzülür. Çuxurlara bol miqdarda şəkər tozu əlavə olunur. Üzərindən yarım limonun suyu sıxılır, heyvanın yarısına qədər adi su əlavə edilir. Folqa kağızı ilə örtülür. 180 dərəcəyədək qızdılırmış sobaya qoyulur, sobanın temperaturu 150 dərəcəyə endirilir və bu istilikdə 1,5 saat bişirilir. Heyvalar soyuduqdan sonra ortasındakı çuxura qaymaq qoyularaq süfrəyə verilir.

Nuş olsun!