Biskotti – ev şəraitində hazırlanması çətin olmayan italyan şirniyyatıdır. Biskottinin xəmirini baton formasında hazırlayıb sobada bişirirlər, sonra kiçik hissələr bölüb bir daha bişirirlər. Elə ,,Biskotti,, sözünün mənası da ,, iki dəfə bişirilən peçenye,, demeəkdir. Tərkibinə müxtəlif quru meyvələr əlavə etmək olar. Son zamanlar xəmirin tərkibinə şokolad da əlavə edirlər və bişdikdən sonra da əridilmiş şokolada bulayırlar.Bu üsulla hazırlanmış biskottini 2-3 ay saxlamaq olar.
Ərzaqlar: Un -250 qr Qabartma tozu – 10 qr Yumurta- 2-3 ədəd Şəkər – 100 qr Badam – 100 qr Kuraqa (ərik qurusu) – 100 qr Kişmiş – 100 qr
Hazırlanması: Yumurta və şəkəri ağarıb köpüklənənə qədər yaxşıca çalın. Un hissə hissə əlavə edilir və hər dəfə yaxşıca qarışdırılır. Xırdalanmış kişmiş, kuraqa və badam da əlavə olunur və qarışdırılır. Xəmiri kiçik batonlar şəklində yayın və soba nimçəsinə kiçik aralarla düzün. 30 dəqiqə ərzində çəhrayı olana qədər bişirin. Sobadan çıxarıb 10 dəqiqə soyumasını gözləyin. Sonra 1 sm enində hissələrə bölün və soba nimçəsinə qoyub daha 10 dəqiqə bişirin. Soyuduqdan sonra əridilmiş şokolada batıra bilərsiniz.