Tərkibi: xəmir: 80 q un 3 yumurta 120 q şəkər tozu 20 q kakao 1/2 ç. q. qabartma tozu 250-300 ml qaymaq (10%-li, korjlara hopdurmaq üçün)
iç: 150 q kokos yonqarı 100 q kərə yağı 100 q şəkər tozu 230 ml süd
qlazur: 160 ml süd 3 x.q. şəkər tozu 2 x.q. kakao 60 q kərə yağı
Hazırlanması: Biskvit: 3 yumurtanı şəkər tozu ilə ağarıb həcmi artınca çalın (mikserlə 10 dəqiqə). Un, kakao və qabartma tozunu ayrı qabda yaxşıca qarışdırın. Az-az çalınmış yumurtalara əlavə edərək qaşıqla altdan-yuxarı olmaqla qarışdırın. 22 sm diametrli formanı kərə yağı ilə yağlayın. Xəmiri töküb hamarlayın. Əvvəlcədən 180-190 dərəcə qızdırılmış sobada təxminən 20 dəqiqə bişirin (sobalar fərqli olduğundan bişmə sürəyi dəyişə bilər). Hazır olub-olmadığını taxta çöplə yoxlayın.
Biskvit soyuyanadək içi hazırlayın. Qazançaya süd töküb kərə yağı ilə şəkər tozunu əlavə edin. Orta itilikli odda kərə yağı əriyənədək qarışdırın. Yağ əriyəndə kokos yonqarını əlavə edib qarışdırın. İki dəqiqə sonra kütlə qaynayacaq. Onu qarışdıraraq qatılaşanacan bişirin. Sonra ocaqdan götürüb soyudun.
Soyumuş biskviti ortadan bölün.
Bir korja bol-bol qaymaq çəkib hopdurun.
Üzərinə kokoslu qarışığı qoyub hamarlayın.
Digər korja da qaymaq hopdurun və bu qaymaq hopdurduğunuz tərəfi aşağı olmaqla kokoslu layın üzərinə qoyun. Azca üstündən basın.
Qlazur: Qazançaya süd, kakao, şəkər tozu və kərə yağı qoyun. Ocağın üzərində 2-3 dəqiqə qarışdırın, qatılaşanda götürün. İsti qlazuru tortun üzərinə çəkib hamarlayın. Soyuducuda 4-5 saat saxlayın.