Tərkibi:
4 x.q. un
2 x.q. kakao
2 x.q. şəkər tozu
1 yumurta
3 x.q. süd
3 x.q. bitki yağı
1/4 ç.q. vanil
1 x.q. doğranmış şokolad (zövqə görə)

Hazırlanması:
Mikrodalğalı sobada keks hazırlamaq üçün dəmir olmayan, saxsı fincan yarayar.
Fincana un, kakao, şəkər tozu töküb yaxşıca qarışdırın.
Yumurta qırıb qarışdırın, lopa qalmasın. Süd ilə yağı, sonra isə vanillə şokoladı əlavə edib qarışdırın.

Qeyd: əgər fincan balacadırsa, ərzağı iri kasada qarışdırın, sonra balaca fincanları yağlayın, xəmiri töküb sobaya qoyun.

Mikrodalğalı sobanın ən yüksək gücündə 3 dəqiqə seçin. Vaxt bitən kimi sobanın qapağını açmayın. Gözləyin, şişmiş keks bir qədər yatsın.

Keksi fincanın kənarlarından bıçaqla ayırıb, boşqaba çevirin.

Bu keksi ərzağın qədərini artırıb iri şüşə formada (sobanın boşqabından iri olmayan) da hazırlamaq olar.

Nuş olsun!