Tərkibi: 5 banan 1 limon 3 x.q. şəkər tozu 1 x.q. kərə yağı 300-400 q qaymaqlı dondurma 100 q şəkərli peçenye 25 q şokolad Hazırlanması: Sobanı 220 dərəcə qızdırın. Formanı bolluca kərə yağı ilə yağlayın. Bananları təmizləyib hər birini uzununa bölün. Formaya bir lay döşəyin. Limonun sedrasını sürtgəcdən keçirərək bananların üzərinə səpin. Limonu ortadan bölüb şirəsini bananın üzərinə gəzdirin. Şəkər tozu səpin (çox şirin sevirsinizsə, şəkər tozunun miqdarını artıra bilərsiniz). Sobada 10 dəqiqə bişirin. Boşqaba iki dilim qızarmış banan, bir top dondurma qoyun, peçenyenı xırdalayıb üzərinə səpin. Limon şirəsi də əlavə edə bilərsiniz. Şikoladı üzərinə sürtgəcdən keçirin. Nuş olsun!