Tərkibi:
2 ədəd yumurta
200 qram yumşaldılmış kərə yağı
qatılaşdırılmış süd
1 stəkan un
2 x.q şəkər tozu
0,5 ç.q. soda
vanil
duz

Hazırlanması:
Əvvəlcə kərə yağını kənara qoyun yumşalsın. Başqa bir qabda yumurta ilə şəkər tozunu mikserlə yaxşıca çalın. Yumşalmış kərə yağını üzərinə əlavə edib, qarışdırmağa davam edin. Daha sonra yavaş-yavaş süd və vanili əlavə edib qarışdırın. Bu müddətdə başqa qabda un, soda və duzu qarışdırıb, duru kütləyə əlavə edin.

Vafli formasını qızdırın. Azca yağlayın. Formanın ölçüsündən asılı olaraq, ortasına bir qədər xəmir tökün. Qapağını bağlayın. Kütlə formanın içində özü yayılacaq.

Vaflinin hər iki tərəfi qızılı rəng alanadək bişirin. Formadan çıxarıb, kənara qoyun. Vafli hazırdır. Servis edə bilərsiniz.

Nuş olsun!