Meyvəli tez hazırlanan asan və dadlı piroq resepti ilə tanış olun.
Ərzaqlar: Yumurta -1 ədəd Şəkər tozu -0,5 stəkan Yağ -125 qram Un 2,5-3 st Vanil Qabartma tozu İçi üçün 3-4 orta ölçülü alma 3 xörək qaşığı şəkər tozu Qoz -100 q
Hazırlanması: Almalar qabığından təmizləndikdən sonra, sürtgəcin böyük gözündən keçirilir. Zövqə görə almalar turş və ya şirin götürülə bilər. Üzərinə 3 x.q şəkər tozu əlavə edilir və ocağın üstünə qoyulur. Təqribən 2-3 dəqiqə ərzində şəkər tozu əriyənə qədər qarışdırılır. Sonra ocağın altını söndürüb, içlik soyumağa qoyulur. Soyuduqdan sonra qoz xırda -xırda doğranıb, içliyin üzərinə əlavə edilir.
Keçək xəmirin hazırlanmasına: 1)Yumurta və şəkər tozu qarışdırılır.
2) Otaq temperaturunda yumşalmış yağ əlavə olunub, yenidən qarışdırılır.
3)Vanil, qabartma tozu və un ələnib, qarışımın üzərinə səpilib, qarışdırılır.
Yumşaq xəmir alınır. Xəmir 2 hissəyə ayrılıb, soyuducuda yarım saat gözlədilir. Piroqu bişirmək üçün, soba sinisinə, yağlı kağız yerləşdirilir. Xəmirin birici kündəsi sürtgəcdən keçirilir. Üzərinə içlik tökülür. Qalan xəmir də sürtgəcdən keçirilib içliyin üzərinə səpilik
Piroq 180 dərəcə qızdırılmış sobada, 30-35 dəqiqə ərzində bişirilir.