Yeni ildə yaxınlarınızı və sevdikləriniz öz əllərinizlə hazırladığınış şirniyyatlarla sevindirmək çox asandır. Bunun üçün sizə çox sadə, ancaq gözəl bir resept təklif edirəm. Yumurtanın ağını (miqdarını istəyinizə uyğun götürün) sarısından ayırın və yaxşı köpüklənməsi üçün ir çimdik duz və limon suyu əlavə edin. Mikser ilə köpüklənib ağarana qədər yaxşıca çalın və yavaş-yavaş şəkər (hardasa 4 yumurta ağına 1 st şəkər) əlavə edin. Çalınmış yumurta ağlarına yaşıl rəngli qida boyası əlavə edin. Soba nimçəsinə qənnadı kağızı qoyun. Hazır qarışığı qənnadı torbasına doldurun və sıra ilə yolkanın alt, orta və üst hissəsini düzəldin. Qənnadı bəzək məmulatları ilə üzərini bəzəyib 120C dərəcə sobada təxminən 1,5 saat bişirin.