Çayla içmək üçün bəzən dadlı bir şirniyyata ehtiyac duyuruq. Milli.Az ailem.az-a istinadən evdə hazırlaya biləcəyiniz ləzzətli portağallı peçenye reseptini təqdim edir.

Lazım olanlar:
125 qr kərə yağı
1 stəkan şəkər tozu
1 yumurta
2 yemək qaşığı qatıq
1 portağalın qabığı
1 stəkan portağal suyu
1 çay qaşığı soda
4 stəkan un

Üzəri üçün:
2 xörək qaşığı şəkər tozu

Hazırlanması:

Otaq temperaturunda əridilmiş yağı və şəkər tozunu qarışdırın. Yumurta, qatıq, rəndələnmiş portağal qabığı, portağal suyu və sodanı əlavə edin və qarışdırmağa davam edin.

Yavaş-yavaş un əlavə edib, yapışqan olmayan bir hala gətirin.

Əldə etdiyiniz xəmirdən orta böyüklükdə toplar düzəldin. Soba qabına yağlı kağız sərin və hazırladığınız portağallı peçenyeləri aralarında boşluqlar buraxaraq düzün. Peçenyelərin üzərinə şəkər tozu səpin. Əvvəlcədən 170 dərəcədə qızdırılmış sobada portağallı peçenyeləri bişirin.