Payış-qış mövsümünün aksessuar trendi

Qeydiyyat Şifrənin bərpası

Qadınla.Com

Tarix: 26-09-2014, 22:00

Müəllif: Mr. OffiCeR

Şərhlər: 5

Baxılıb: 5 581

Bölmə: Moda / Aksesuarlar

Səs ver:

(səs: 3)

Həcmli, daş-qaşlı, parıltılı əşyaları sevənlər 2014-2015 payız-qış aksessuar trendlərindən çox razı qalacaqlar. Mövsümün yenilikləri isə zəncirlər, medalyonlar, xaltavari boyunbağılardır.

Çiçəkli boyunbağılar

Payızın yağışında, qışın şaxtasında donmayacaq, geyimimizi gözəlləşdirməyə davam edəcək çiçəkli boğunbağılar bu ilin trendidir. Xüsusən "Dolce and Gabbana" kolleksiyalarındakı kimi iri və daş-qaşlı olanları seçsəniz, yaxşı olar.

Tək sırğa

Bir neçə mövsümdür ki, modaya "Earcuff" trendi daxil olub. İndi isə 90-ci illərdə popular olan "tək sırğa" trendi də geri qayıdıb. Bu tip aksessuar taxmağı sevənlərdənsinizsə, böyük və parıltılı olanlara üstünlük verin.

Zəncir boyunbağılar

"Choker" adlanan boyunbağılar istər idman, istər casual, istərsə də klassik ofis görünüşləri ilə əla uyğunlaşır. Ümumiyyətlə, bu il zəncirlərdən bol istifadə edin.

Çoxlu üzük

Bir-birinə bitişik, yaxud barmağın ölçülərinə uyğunlaşan çoxlu üzüklər bu il də dəbdədir. Yenə böyük və parıltılı olanlar məsləhət görülür.

Dəri aksessuarlar

Dəri geyimlərlə yanaşı, dəri aksessuarlar da çox rastımıza çıxacaq. Bu detalını etnik boyunbağılarda, kürklə bəzədilmiş qolbaqlarda görməyə hazırlaşın.

"Cuff" qolbaqlar

Bu qış olduqca fərqli detallarla zəngin cuff qolbaqlar trenddir. Lanvin, Versace, Alexander McQueen kolleksiyalarından göründüyü kimi diqqəti cəlb edən qolbaqlar qarderoba əlavə etmək lazımdır.