Chanel loqotipi ilə birlikdə tvid fransız moda evinin vizit kartıdır. Bunda görə də Karl Laqerfeldin hər bir ready-to-wear və haute couture kolleksiyasında bu detallara rast gəlmək olar.

Bu dəfə fransız moda evi üçün ənənəvi olan tvid materialı "Chanel Tweed Eyewear" kolleksiyasından olan günəş eynəklərində istifadə olunub. Söhbət, əlbəttə ki, parçanın özündən deyil, sapların toxunma zamanı yaratdığı vizual effektdən gedir. Həcmli və rəngli kvadrat çərçivələr, sarı, qırmızı, göy və yaşıl qammalarda zərif kəpənəklər, eləcə də boz və qəhvəyi çalarlar dizaynda əsas götürülüb.