Bəziləri elə fikirləşirlər ki, şarf ancaq soyuqdan qorunma məqsədi daşıyır. Amma qarderobun bir hissəsini təşkil edən bu element artıq təkrarolunmaz obraz yaratmağa kömək edən aksessuara çevrilib. Qalstukdan fərqli olaraq şarfı bağlamaq o qədər asandır ki, hətta uşaq belə bunun öhdəsindən gələ bilər. Bu gün bir çox məşhur dizayner evləri digər aksessuarlarla bərabər şarflar da istehsal edirlər: uzun, enli, nazik, ipək, məxmər və hətta paşmir (Himalay dağlarının ətəklərində yaşayan Capra Hircus keçisinin tükündən hazırlanan). Modellərin müxtəlifliyi onları nəinki boğza və ya boyun nahiyəsinə, həmçinin bel, çanaq, çiyin və başa da bağlamağa imkan verir. Şarfı Hollivud ulduzları da vururlar və təbii ki, soyuqdan qorunmaq üçün yox, daha çox aksessuar kimi.
Redakte etdi: PRETTY GIRL