Ənənəvi olaraq hər il keçirilən Berlin Moda Həftəsi bu il də öz qapılarını modasevərlərin üzünə açıb. Moda həftəsində 2014-cü ilin yaz və yay mövsümü üçün nəzərdə tutulmuş geyimlər nümayiş olunur. Bütün rənglərdən istifadə edildiyi 2014-cü il yaz-yay kolleksiyasında modelyerlər, əsasən, qırmızı, açıq mavi və ağ rənglərə üstünlük veriblər.
Berlin Moda Həftəsinin açılışını avstriyalı tanınmış modelyer Lena Hoşekin kolleksiyası edib. Nümayişlərdə dünyanın bir sıra ölkələrinin tanınmış modelyerlərinin əl işləri sərgilənəcək.
Qeyd edək ki, Berlin Moda Həftəsi iyulun 2-dən 5-dək davam edəcək və bu il bu tədbirə dünyanın hər yerindən 250 minə yaxın modasevərin qatılacağı gözlənilir.