Ötən gün start götürən Nyu-York moda həftəsində ilk əhəmiyyətli şou BCBG Max Azria nümayişi oldu.
BCBG Max Azria yaz-yay kolleksiyasında sanki parlaq ləkələr yoxdur: narıncı, göy və qırmızı sanki ağ rəngin sıx bəyazlığından keçir. Geyimlər yağlı boyalarla çəkilmiş rəsmləri xatırladır. Bu səbəbdən kolleksiyadakı bütün əşyalar retro stilində görünür.
Mürəkkəb biçimli geyim-xalatlar və gecə köynəyinə bənzəyən geyimlər, enli uzun ətəklər və yöndəmsiz pencək və gödəkcələr - bütün bunlarda kitab qəhrəmanlarında olduğu kimi romantik, ağlını itirmiş rəssamın qarderobundan bir hissə var. Markanın kreativ direktorları Lyubov və Maks Azrianın sözlərinə görə, onlar üçün ilham mənbəyi qədim xalçaların restavrasiyasında istifadə edilən rəngin bərpa texnikası olub.