Meri-Keyt və Eşli Olsen bacılarının təsis etdiyi "The Row" markasının nümayişi Nyu-York moda həftələrində ən gözlənilənlərin sırasındadır. Hollivudun ən məşhur əkizlərinin nümayişləri həmişə minimalistikdir: onlar mürəkkəb dekorasiyalar hazırlamır və bir çox nağılbaz dizaynerlər kimi hekayələr danışmırlar. Bununla belə, doğru düşən işıqdan və öz məhsullarından başqa heç bir vasitədən istifadə etmədən atmosferi möhtəşəm edirlər. Hamar xətlər və qeyri-adi siluetlər çox zərif alınıb. Yumşaq, gözü yormayan eleqantlıq, mürəkkəb və gözəl naxışlar - bütün bunlar daha çox Şərq mədəniyyətini xatırladır.