İncəsənət muzey salonlarının məhbusu olmaqdan çoxdan azad olub və küçələrə çıxıb. Eyni zamanda, podiumlardan sonra qarderobumuza daxil ola bilib. "Donna Karan" moda evinin yeni kolleksiyası buna əyani sübutdur.
"Donna Karan" yaz-yay kolleksiyası üzərində çalışarkən ötən əsrin 70-80-ci illərinin Nyu-York həyatından ilhamlanıb. Yeni kolleksiya küçə incəsənəti ilə bağlı olan siluetlərlə assosiasiya edilir. Geyimlərdən bəzilərinin üzərinə sanki təsadüfən boya düşüb, digərləri isə rəsmin üzərindən səliqəsiz yapışdırılmış elanlara bənzəyir.