Kimin ağlına gələrdi ki, böyüdükdən sonra da məktəbli formasına qayıda bilər. "Məktəbli forması” dedikdə, ciddi iş yerlərində qoyulan dress-kod nəzərdə tuturuq. Son zamanlarda şirkətlər nüfuzlarını qaldırmaq üçün işçilərin geyim tərzində sərt tələblər irəli sürürlər. Hesab edilir ki, ciddi xarici görünüş iş qabiliyyətinin artmasına gətirib çıxarır. Ümumiyyətlə, bu, insanların bir növ yüksək idarəetmə qabiliyyətindən xəbər verir. Bəzi yerlərdə hətta aksessuarlar da qadağan olunub. Lakin bu qaydaların heç biri əsl modapərəstlərin, zövqünə güvənən qızların kefinə soğan doğraya bilməz. Zövqlü xanımlar dress-koda əməl edərək də özünəməxsus üslubuna sadiq qalırlar.