1960-cı illərdən günümüzə kimi gəlib çıxan qazayağı naxışlar bu il klassik stildə geyinməyi xoşlayanlar üçün əvəzedilməz olacaq. Qazayağı naxışlı geyimlərinizdən ofis stili üçün də istifadə edə bilərsiniz. Həmin naxışlar diqqətçəkici olduqları üçün belə libasları sadə, təkrəngli geyimlərlə uyğunlaşdırmaq lazımdır. Ağ, qara və qırmızı rəngli geyimlərlə qüsursuz kombinlər yaratmaq olar.
 
Bu naxışla bağlı bilməli olduğunuz vacib nüans, onun insanı olduğundan kök göstərməsidir. Ona görə də, əgər omba və ayaqlarınız bədəninizin digər hissələrinə nisbətən daha kökdürsə, qazayağı naxışlı ətək və şalvar geyinməyin. Bu naxışı çox xoşlayırsınızsa, kofta, pencək kimi geyimlərdə, şal və saç aksessuarlarında istifadə etməyə çalışın. Əksinə, bədəninin üst hissəsi iri olanlar isə qazayağı naxışlı şalvara, ətəyə və ya dona üstünlük verməlidirlər.