Bahar artıq yaxınlaşır. Bu da o deməkdir ki, qışı yola salıb yaza hazırlaşmaq vaxtıdır.
Trapez şalvar
Yazın əsas dəb tendensiyasını hündür, qalın dabanlı ayaqqabı və beli qısa pencəklə birləşdirməyi təklif edirik.
Bantlı köynək
Yaxası bantlı köynəklər minimalizmi tələb edir, amma çox zərif görünür.
Fedora şlyapa
Bahar
ilin ən romantik mövsümüdür. XX əsrin birinci yarısında olduqca
populyar olan fedora şlyapaları bu romantikanı daha da artıracaq və
obrazı zərif göstərəcək. Odur ki, dəyişməyə hazır olun. Şəhərin
küçələrini romantikaya bürümək sizin əlinizdədir.
Önü düyməli ətəklər
Önü düyməli ətəklər yenidən populyarlığın zirvəsindədir. Onu nə ilə desən, geymək olar, öz təxəyyülünüzü işə salın.
Jilet-donlar
Bu bahar məktəb günlərimizi xatırlayaq. Nə qədər qısa olsa, bir o qədər yaxşıdır.
Hündürbel cinslər
Hündürbel cinslər qarderobun ən universal predmetidir. Sadə birrəngli futbolka ilə cinsin vəhdəti ən əlverişli dəstdir.
Alçaqdaban
Bu
mövsüm dizaynerlərin əksəriyyəti hüdürdabandan imtina ediblər. Əvəzində
retro üslubunun əsas elementi olan alçaqdabanlı ayaqqabılar təklif
edirlər. Bu ayaqqabılar həm rahatlığına, həm də istənilən üslubla
uzlaşdığına görə əlverişlidir.
Viktoriansayağı yaxalar
Məlahətli
və aristokrat obraz yaratmaq istəyirsinizsə, yaxası büzməli
viktoriansayağı köynəklər alın. Bonus olaraq obraza iri mirvari sırğa və
ya saç broşu əlavə etmək olar.
Alt paltarı tərzi
Müəmmalı
və məlahətli görünmək istəyən xanımlar alt paltarı tərzində tikilmiş
fasonlara müraciət edə bilər. Bu cür paltarlar incə ayaqqabılarla gözəl
görünür.