Paris moda həftəsində fransız moda evi "Nina Ricci”-nin yeni kolleksiyası nümayiş olunub.
Hər zaman romantizmi, zərifliyi təbliğ edən moda evi öz sadiq müştərilərini yenə sevindirib.
 
Dizayner Qiyom Anri moda evinin bütün konsepsiyasını dəyişdirmək qərarına gəlib. Bu dəyişiklik moda evinin xeyrinə olub. Belə ki, dizaynerin növbəti kolleksiyası olduqca lakonik və maraqlı alınıb. Hər şey həmişə olduğu kimi incəliyi ilə diqqət çəkib. Üst geyimə xüsusi diqqət yetirsək, gözəl palto və kürklərin  xanımları ruhlandıracağına şübhə yeri qalmır. Kolleksiyanın rəngi də sakit və qışqırmayan tonlardan seçilib.