Paris moda həftəsi çərçivəsində "Chanel”in yeni kolleksiyası nümayiş olunub.
Karl Lagerfeld növbəti səs-küylü şousunu təqdim edib.
Dizaynerin
klassika ilə orijinal və müasir aksessuarları bir-biri ilə
uyğunlaşdırmasına yalnız həsəd aparmaq olar. Ən maraqlı parçalar həmişə
göz oxşayır, burada Lagerfeldin cəlbedici rəng seçmək istedadını qeyd
etməmək mümkün deyil. Nümayişdə müxtəlif materialların, xüsusilə də,
cinslə tvidin vəhdəti modapərəstlərinin qəlbini fəth edə bilib.
Mirvarilər
yeni kolleksiyanın əsas rəmzlərindən biri olub. Moda evinə xas tvid
parçalar isə tamamilə yeni formada təqdim olunub. Parçalar bu dəfə
xüsusi parlaqlığı ilə seçilib, mirvari boyunbağılar isə daha həcmli
olub. Rezin yağış çəkmələrlə tvid şlyapalar da mövsümün əsas hiti olmağa
iddialıdır. Ümumiyyətlə, kolleksiya çox maraqlı alınıb.