Yeni
il yenilik deməkdir. İl dəyişəndə hər kəs evində, geyimində yeniliklər
etməyə çalışır. Mebellərində, otaqlarının dizaynında, qarderobunda hər
kəs bacardığı qədər yenilik edir. Xoş dəyişikliklər insanlara müsbət
enerji bəxş edir. Bu prinsipləri dəyərləndirən məşhur markalar da, öz
moda dərgilərində heyran edəcək modellər təqdim edirlər.
Hər
il olduğu kimi üzümüzə gələn ilin də dəbdə olan rəngləri, geyimləri
haqqında sizə məlumatlar verilib. 2016 cı ildə bütün məşhur markalar öz
səylərini ortaya qoyaraq ailə quran xanımları sevindirməyi qərara alıb.
Bu ilin ən dəbdə olan gəlinlik modelləri artıq hazırlanıb.
Gəlinlik
geyinmək hər bir gənc qızın ən böyük arzusudur. Toy günü həyatın vacib
anı olduğundan hər bir xanım günlərlə gəlinlik donu axtarışında olur.
Seçim zamanı həddindən artıq çətinliklərin ortaya çıxması toy stresini
daha da artırır.
Odur
ki, Qadınlar.biz xanımların işini azacıqda olsa yüngülləşdirmək üçün
2016-cı ilin ən dəbdə olacaq gəlinlik trendlərini sizə təqdim edir.
Əsasən payız-qış ayları üçün nəzərdə tutulan bu gəlinlik modelləri məşhur markaların kolleksiyalarındandır.
Bu
il dərin dekolteli , yaxaları olan gəlinlik modelləri ilə yanaşı,
üzərində işləmələri olan tüllərlə örtülən modellər də dəbdə olacaq.
Geridə qoyacağımız 2015-ci ildən fərqli olaraq, bu il ətəyi qabarıq olan
modellər deyil, bir qədər düz, balıq ətəkli, orta səviyyədə qabarıqlığı
olan modellər dəbdədir. Qollarının uzunluğu dirsəyə və biləklərə qədər
işləməli tüllərlə bəzdilən gəlinlik donları ilin ən aktual donlarıdır.