İnsanlar arasında qeyd edilən bayramlara görə xüsusi inanclar var.Bu inanclarin çoxu batil olsa da yenə də insanlar bunlara riayət etməyə çalışırlar.Yazılmamış qanunlardan hesab edirlər.Doğru və ya batil,yenə də maraqla qarşılanır,əməl edilir.Yeni ilin gəlişi ilə də əlaqədar bəzi inanclarda var ki,gəlin görək bunlar hansılardır.

 

 İnanclara görə, bayram günü pulsuz qalanlar ili ehtiyac içində keçirəcək

Sadəcə dekabrın 30-u evi yüngülvari yığışdırın, amma 31-i heç nəyə əl vurmayın.
Süfrə müxtəlif naz-nemətlə bol olmalıdır ki, il də bolluq içində keçsin. Masaya düz-çörək qoymağı unutmayın, ənənəyə görə bu, firavanlıq simvoludur. Bayramda pulsuz qalmaq olmaz, yoxsa ili ehtiyac içində keçirəcəksiniz. Əgər pulunuz yoxdursa, borc götürün. Amma bayramqabağı borc qaytarmaq məsləhət deyil, əks təqdirdə, bütün ili borclu qalacaqsınız. Bir çoxları inanır ki, ili təklikdə keçirsə, bütün ili tənha qalacaq. Ona görə bayramda kimisə tapmağa çalışırlar, bu insanı bəyənməsələr belə. O zaman ili təklikdə keçirməsəniz belə, pis əhval-ruhiyyədə olacaqsınız. Bundansa bayramqabağı bütün qohum-əqrəbanızı telefonla təbrik edin və bayramda tək olacağınızı söyləyin. 
Yəqin ki, sevdiklərinizdən dəvət alacaqsınız. Amma tək qalmaqda da pis heç nə yoxdur. Gecə küçəyə çıxın, insanlara baxın, ola bilsin əsl möcüzə baş verəcək 
və siz həyatınızın böyük məhəbbətilə qarşılaşacaqsınız