Hədiyyə, gül vermə və təşəkkür metodları

Müəllif: Menim balam
Şərhlər:
Baxılıb: 868
Paylaş:
Səs ver:
(səs: 1)
Hədiyyə həm verəni, həm də alanı şad edən əsilzadə bir davranışdır. An­caq seçilən hədiyyə bahalı olma­malı, adamın yaşı, zövqü və cin­siy­yə­tinə uyğun, dostluq və yaxınlıq də­rəcəsilə mütənasib olmalıdır. Çün­ki hədiy­yə­nin mənası insanı xa­tır­latmaq və sevgi duyğularını bil­dir­məkdir.
Hədiyyə qarşılıqsız verilməli, heç vaxt reklam və ya mən­fəət məq­sədi güdülməməlidir. Ailə fərdləri xaric, heç kimə pul hədiyyə edilməz.
Əl ilə (hədiyyə edən tərəfindən) gə­ti­rilən hədiyyə dərhal açılır və gə­ti­rən adama təşəkkür edilir.
Ev üçün gətirilən hədiyyə açılır və görünən bir yerə qo­yulur.
Hədiyyəyə qarşı soyuq və müna­si­bət­siz qalmaq, hədiyyə gətirənə «Ni­yə zəhmət çəkdiniz?», «Nə vacib idi?» kimi ifadələr demək doğru de­yil.
Hədiyyə gətirənə «Çox ali­cə­nab­sı­nız», «təşəkkür edirik», «minnət­da­rıq» və s. deyil­məlidir. Ayrılar­kən də hədiyyəyə görə minnətdarlıq bir daha edilir.
Hədiyyə göndərilmişdirsə, göndə­rə­nə əvvəl məktubla, daha sonra da ilk görüşdə sözlə təşəkkür edilir.
Hədiyyə bir vasitə – maşın, təyyarə, gəmi və s. gön­də­ri­lər-kən ona vizit­kart qoyulur və əlyazısı ilə uyğun bir-iki söz yazılır. Amma əl ilə verilən hə­diyyəyə vizitkart qoyulmaz.

Gül (çiçək) vermə və qəbul etmə:
Gül vermək ictimai davranışlarda insanın duyğularını əksetdirən gözəl və alicənab bir davranışdır. Ancaq gül seçiminə və verilməsinə diqqət etmək lazımdır.
Güllər üç cür formada nizamlanır: Buket, səbət və çələng. Bun­la­rın işlənmə yerləri və stili ayrıdır.
Buket əl ilə verilir, səbət və çələng isə göndərilir.
Çələng: abidələrə qoyulur və dəfn mərasimlərinə gön­də­rilir. Bəzi açılışlarda və şənliklərdə də istifadə olunur.
Səbət: Nişan, nigah və toylara, sənətdəki müvəffə­qiy­yə­tə, açılış mərasimlərinə göndərilir. İş həyatındakı yük­səl­mə, vəzifəyə başlama və vəzifədə yüksəlmə müna­si­bə­ti ilə ümumi olaraq səbət içərisində gül-çiçək təqdim edilir.
Buket: Sevgiliyə, həyat yoldaşına, anaya, xəstəyə, yemə­yə dəvət edən ev sahibinə, səhnədəki aktyora (aktri­sa­ya), konfransda çıxış edənə, yola (səyahətə) salınan ada­ma verilir.
Nə münasibətlə olursa olsun, vasitə ilə göndərilən güllə­rin üzərinə ad yazılmış kartlar ev sahibi tərəfindən alı­nır. Ev sahibi daha sonra gül-çiçək göndərənə yazılı tə­şək­­kür edər.
Təbrik, təşəkkür, yeni uşaq, sağalma və ya evdə axşam yeməyi dəvəti səbəbi ilə buket içərisində qısa saplı gül (çiçək) aparılmalıdır. Əl ilə verilən büketə kart bağlan­maz.
Buket sol əldə daşınmalı və qapını açan adama ve­ril­məlidir.

Təşəkkür etmə:
Təşəkkür minnətdarlıq, şükr duyğularının şifahi, yazılı və hərəkətlə ifadə edilməsidir.
Təşəkkür, gündəlik icti­mai və sosial həyatda alicənab və nəzakətli bir adamın insani vəzifəsidir. Buna görə insan, keçmək üçün qapı açana və tutana, məktubu gətirənə, sevincini və kədərini paylaşana, mehmanxanada və yeməkxanada xidmət göstərənə, özünə bir şey öyrədənə, özünə xidmət, yardım və yaxşılıq edənə təşəkkür borcludur. Ancaq təşəkkür səmimiyyətlə – ürəkdən və təbəssümlə söylənməlidir.
Təşəkkür edənə də «Dəyməz», «Mən də təşəkkür edi­rəm», «Sağ olun» kimi sözlər deyərək təbəssümlə cavab verilməlidir.

loading...
(səs: 1)
Şərhlər:
Baxılıb: 868
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri

Aylıq arxiv