Laylalarımız

Müəllif: Pure Love
Şərhlər: 7
Baxılıb: 3 431
Səs ver:
(səs: 0)
Azərbaycan folklorunun qədim nümunələrindən biri də laylalarımızdır. Analarımız qəlbinin mehri və məhəbbətini, arzu və diləklərini körpə balalarına ifadə etmişlər.

Laylay, beşiyim, laylay,
Evim, eşiyim laylay,
Sən get şirin yuxuya,
Çəkim keşiyin laylay.

Laylay dedim, yat dedim,
Yastığa baş at dedim.
Bala, çəkim nazını,
Boya-başa çat dedim.

Laylay dedim, yatasan,
Qızıl gülə batasan,
Qızılgül kölgəsində
Muradına çatasan!

İlk ana laylaları "ninnilər” olub. Bəzi dialekt və şivələrdə hələ də uşağın yatdığı beşliyə "nənni” deyirlər. "Ninni”lərimiz qədim türk kökənə mənsub olan Kərkük havacatlarında yaşayaraq, bu günümüzə qədər gəlib çatıb.

Ninnini yarım, ninnə
Əsməri yarım, ninnə,
Ninnə, ninnə!

Analar ömrünü, həyatını balası yolunda gözünü qırpmadan fəda etməyə hazır olduğunu laylalarda belə ifadə edir:

Əzizinəm gündə mən,
Kölgədə sən, gündə mən,
İldə qurban bir olar,
Sənə qurban gündə mən!

Laylalarda eyni zamanda böyük bir hikmət də var:

Laylay dedim yatasan,
Qızılgülə batasan.
Qızılgülün içində,
Şirin yuxu tapasan.
(səs: 0)
Şərhlər: 7
Baxılıb: 3 431
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri