Seks aludəçiliyi mümkündürmü?

Müəllif: YalniZ-ArZu
Şərhlər: 2
Baxılıb: 564
Paylaş:
Səs ver:
(səs: 0)
Amerikalı yazıçı Mark Twain siqareti tərgitməyin asan olduğunu bildirib - o bunu 100 dəfə edib.

Cəmiyyət olaraq biz nikotin, spirtli içki və narkotikaya aludəçiliyin və onların sağlamlığa vurduğu ziyanın mövcud olduğunu qəbul edirik.

Lakin seksə gəldikdə bəzi ekspertlər bu aludəçiliyin real və ya mif olduğu barədə mübahisə edirlər.

Seks aludəçiliyi ilə bağlı hazırda kliniki diaqnoz olmadığı üçün nə qədər insanın bu problemdən narahat olduğunu bilmirik.

Seks və ya porno aludəçiliyindən əziyyət çəkdiyini düşünən insanlar üçün olan sayt Britaniyada 21 000 insan arasında sorğu keçirib.

Onlardan 91 faizi kişi olub və onlardan da yalnız 10 faizi həkimdən kömək istəyib.

Seks aludəçiliyi Psixi Pozğunluqlara dair Diaqnostik və Statistik kitabçanın son 2013-cü il buraxılışına daxil edilmək üçün nəzərdən keçirilsə də, dəlil çatışmazlığına görə rədd edilib.

Lakin "kompulsiv seksual davranış" hazırda Xəstəliklərin Beynəlxalq Klassifikasiyası (İCD) kitabçasına daxil edilmək üçün təklif edilib. Bu, Dünya Səhiyyə Təşkilatı tərəfindən hazırlanır.

Araşdırmaçılar müəyyən ediblər ki, porno izləyən "seks aludəçilərinin" beyin fəaliyyəti narkotika aludəçilərinə bənzərdir
2014-cü ildə dərc edilmiş araşdırmaya görə porno izləyən "seks aludəçilərinin" beyin fəaliyyəti narkotika aludəçilərinə bənzərdir.

Seksə aludəçiliyin hazırda heç bir rəsmi tərifi yoxdur.

Bu, tamamilə kiminsə psixoloji asılı aolub-olmamsından, əlindən alındığı zaman fiziki təhlükə yaranıb-yaranmayacağından asılıdır. Bunu nəzərə alsaq seks "aludəçilik ola bilməz", Açıq Universitetin (Open University) əməkdar professoru Dr Frederick Toates deyir.

Lakin o, bunun üçün daha geniş izahın lazım olduğunu düşünür.

"Mükafat axtarmaq"
Dr Toates deyir ki, aludəçiliyi şərtləndirən iki əsas amil var: mükafat və ya zövq axtarmaq və bu davranış ətrafındakı konflikt.

Bir çox ekspertlər inanır ki, mükafat axtarışı aludəçiliyi obsessiv kompulsiv davranışdan fərqləndirir, baxmayaraq ki, nəzərəçarpan oxşarlıqlar da mövcuddur.

Aludəçi insanlar qısa müddətli qazanc axtarışında olurlar, hətta bu, uzun müddətli itkilərə səbəb olsa belə. Buna zidd olaraq obsessiv kompulsiv davranışı olan insanlar heç bir həzz almadıqları davranışlarla məşğul olurlar, o əlavə edir.

Biz hamımız həzz axtarışındayıq. Bəs adi həzz axtarışında olmağın aludəçilikdən fərqi nədir?

Psixoloq Dr Harriet Garrod hesab edir ki, adi davranış o zaman aludəçiliyə çevrilir ki, həmin davranış şəxsin özünə və ətrafdakılarına zərər yetirmək həddinə çatır.

Yemək və qumara aludəçilik diaqnoz edilə bildiyi halda sekslə bağlı vəziyyət fərqlidir. Çünki o, müddətdir ki, ictimai şüura hopub, o deyir.

Psixoloq Dr Abigael San düşünür ki, seksual davranışlar asılılıq kimi dəyərləndirilə bilər, lakin özlərini nəzarətdən çıxmış hesab edən insanlar üçün seks əsas problemlərdən sonra gəlir. Bu problemlər depressiya, təşviş və ya travma ola bilər. Bu halda seks sanki bu problemlərlə mübarizə mexanizmi kimi əhəmiyyətlidir.

Seks aludəçiliyi mifdir?
Lakin heç də hər kəs seks aludəçiliyinin real olduğunu düşünmür?

Seks Aludəçiliyi Mifi kitabının müəllifi olan seks terapevti David Ley deyir ki, seks aludəçiliyi kimi tanınan davranışlar əslində əhval və təşviş pozğunluğunun simptomlarıdır və onların müalicəsinin mümkünlüyü ilə bağlı yetərincə dəlil yoxdur.

"Seks və ya masturbasiyanı alkoqol və narkotika ilə müqayisə etmək gülüncdür. İçkiyə aludə olmuş insanlar nəticədə ölə bilərlər", o deyir.

loading...
(səs: 0)
Şərhlər: 2
Baxılıb: 564
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
CANAN
Xeber ucun sagol can
25 iyun 2018 11:40
2
canan qizim sirin seker qizim.
Offline
Dilaycan
Hmmm deməkki seks aludəciləri ilə
narkotik aludəcilərinin beyin fəaliyyəti
bənzərdi...maraqlı xəbər oldu.
25 iyun 2018 08:31
1
Hər şeyə canını sıxma ey könül, nə bu dərdlər qalıcıdır, nə də bu ömür.. (Hz.Mevlana)

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri