Biz niyə boşana bilmirik?

Müəllif: diablo
Şərhlər: 6
Baxılıb: 1059
Səs ver:
(səs: 0)
Daha bir kişi boşandığı qadını bıçaqladı… Boşanma mədəniyyətinin formalaşmadığını göstərən daha bir dəhşətli hadisə…

Yəqin, “boşanmaq” və “mədəniyyət” sözlərini ardıcıl görməyə gözü öyrəşməyən əksər adamlar başa düşmür ki, bir ailənin qurulması gözəl hadisədirsə, alınmayan, sonu ölümlə bitəcək bir cütlüyün normal şəkildə ayrılması ondan da gözəldir.

Azərbaycanda “ailə institutu” ifadəsi altında gizlənən ağlasığmaz stereotiplərdən, bu günün adamı üçün effektini itirmiş əhəmiyyətsiz “dəyərlər”dən xilas olmağın yeganə yolu fərdi sərbəstlikdir. O da əksər gənclərdə yoxdur. Ailəsi, özü ilə bağlı məsələlərdə qəti qərarlar verə bilməyən şəxslər minlərlə…

Azərbaycan gənci hələ də valideyn və ictimai qınaq basqısı altındadır. Hər addımda “camaat nə deyər?” sualı onu narahat edir. Ailə məsələlərində də ömrünə zəhər qata-qata günü günə satır…

Bu gün əksər ailələri ayaqda saxlayan sevgi, hörmət yox, ictimai qınaqdır. İctimai qınaqla davam edən ailənin daxilindən danışmağa dəyməz; boşluqlar, saxtakarlıqlar, bir yataqda iki düşmən, nifrət, dava, xəyanət, sonda da ölüm!

Bizdə boşanma sözü təhqir kimi qəbul olunur. Ayrılmaq ailə problemlərində sonuncu yol sayılır. Halbuki bu, sonuncu yol deyil, sonuncu yol qətldir. Boşanmaq nə qədər ağır olsa da, sonda sivil hadisədir, nəinki gündəlik davalar, zorakılıq, qətllər…

Bizi boşanmağa qoymayan ikinci səbəb qohum evlilikləridir. Qohum cütlüklərin boşanması daha çətin başa gəlir, nəsil içində düşmənçilik yaradır. Lokal təfəkkürdə boşanmaq qızı boşanan ailəyə təhqir sayıldığı üçün heç kəs xalasını, bibisini, əmisini “təhqir” eləmək istəmir.

Təbii, bir ailənin dağılması arzuolunmaz hadisədir. Amma bir həqiqəti unutmayaq ki, ailələrin dağılması aktı boşanma ilə ölçülmür; bu gün Azərbaycanda boşanma olmadan dağılmış yüzlərlə ailə var – bir evdə yaşayam iki düşmən, bədbəxt övladlar…

Biz dağılmış ailələri sənəd üzərində “ayaqda saxlamaqla” bir neçə şəxsi bədbəxt etmirikmi?

Su sızan bəndin arxasından nə qədər palçıq döşəsən də, suyun qabağını almaq olmur, sızır-sızır, sonda bənd uçur. Palçığı gərək bəndin qarşısına döşəyəsən ki, su sızmasın. Ailələrin dağılmasının qarşısını almaq üçün onları hansısa sənədə qol çəkməyə məcbur etmək yetərli deyil.

Bu kontekstdə baş verən son cinayətin motivləri də göstərir ki, bizim əksər kişilər boşandıqdan sonra da keçmiş həyat yoldaşlarından qopa bilmir, hələ də özünü bir vaxtlar yoldaşı olduğu qadının mənəvi sahibi sayır, onun “qeyrət”ini qorumaqda mükəlləf hesab edir. Əvvəlki ailəsinə ən vacib dəstək olan alimentdən qaçan bu tip kişilər nədənsə, qadının geyiminə, davranışlarına qarışmağı özünə müqəddəs borc bilir.

Ölkəmizdə boşana bilmək mədəniyyəti bu müstəvidə də fiaskoya uğrayır. Bu tip kişilər özlərini övladlarından çox, keçmiş həyat yoldaşına cavabdeh sayırlar.

Əksər məqamlarda səbirli, təmkinli olmağı tövsiyə edən İslamda da bu məsələyə kəskin münasibət var. Sözümü hədislə bitirirəm: “Arvadından Allaha şikayət edən şəxslərin duası qəbul olunmur. Allah bu məsələnin həllini göstərib. Bezmisənsə, Allaha şikayət eləmə, boşan!”

Sərdar Amin
(səs: 0)
Şərhlər: 6
Baxılıb: 1059
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
kivircik
Dunen xeberlerde gordum ,boshanmaq istediyini deyen gelni, yoldashi benzin tokub ustune yandirib. Ne deyesen bele "kishiciye"? Yaziq qadin neche iller o "vehshi" xasiyyetliye tab getirib Allah bile.
Yola getmeyib omur churutmekdense vaxtinda insan kimi ayrilmaq yaxshidi,son cumlede deyildiyi kimi, bezmisense Allaha shikayet eleme ,boshan
6 aprel 2020 23:03
6
Az shikayet,chox shukur- seni mutluluga goturur!
Gül.
Indi ele asan bosananlar varki
6 aprel 2020 13:06
5
19
_pandam_
Sitat: Lusi
Biz niyə boşana bilmirik?
Cahil bir millət olduğumuzdan ola bilər?
Sevgi və hörmət olmayan ailələrdə, dünyaya göz açan sevgisiz övladlar var. Uşağım 'Atasız' qalmasın ifdəsi çox yanlış bir fikirdir. Elə bir ailədə böyüyən uşaqda gələcəkdə, psxoloji sarsıntı keçirir. Uşaqlarınızın gələcəyi üçüb 'Dözüb oturmayın'
Amma təsüf ki buna məcbur edilənlər və qalanlar var.
İlk başda təhsilsiz olmaq
Təhsili o qədərdə önəmli saymayım, ama yenedə əldə bir sənət olmalıdı. Qadın güclü varlıqdı deyirlər ha, 'qadın haqqsızlığa göz yumub dözüb oturursa' mənim üçün zəif bir insan sayılır. Güclü olmağı kənara qoyub xoşbəxt olmağa can atın.


Çox doğru qeyd edibsen. Amma heyfki bele düşünenler çox azdı
6 aprel 2020 03:55
4
BARBI
Bosanma qorxusu her kesde var.Bosanma ciddi sindromdur
5 aprel 2020 22:11
3
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !
Lusi
Biz niyə boşana bilmirik?
Cahil bir millət olduğumuzdan ola bilər?
Sevgi və hörmət olmayan ailələrdə, dünyaya göz açan sevgisiz övladlar var. Uşağım 'Atasız' qalmasın ifdəsi çox yanlış bir fikirdir. Elə bir ailədə böyüyən uşaqda gələcəkdə, psxoloji sarsıntı keçirir. Uşaqlarınızın gələcəyi üçüb 'Dözüb oturmayın'
Amma təsüf ki buna məcbur edilənlər və qalanlar var.
İlk başda təhsilsiz olmaq
Təhsili o qədərdə önəmli saymayım, ama yenedə əldə bir sənət olmalıdı. Qadın güclü varlıqdı deyirlər ha, 'qadın haqqsızlığa göz yumub dözüb oturursa' mənim üçün zəif bir insan sayılır. Güclü olmağı kənara qoyub xoşbəxt olmağa can atın.
5 aprel 2020 22:05
2
'- Dünya mavidir, tıpkı portakallar gibi ^^
_Tək_ İL_
Bir çox fikielə məndə razıyam
5 aprel 2020 21:55
1
Dəli ^_^

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri