Həmyaşıd xanım isə bu yaşda yaşlı və uşaq dünyaya gətirmək üçün yararsız hesab olunurdu. O vaxtlardan həyat dəyişib, lakin adətlər eyni olaraq qalıb.
Yaş fərqinə bu cür münasibət eyni ilə Çində mövcuddur. Orda olan müdriklər hətta gəlin üçün ideal yaş həddini də hesablayıblar. Kişinin yaşını ikiyə böldükdən sonra alınan nəticənin üstünə 7 gəlmək lazım idi. Əgər kişinin 30 yaşı varsa, xanımının 22 yaşı olmalı idi, kişinin 60 yaşı varsa xanımı 37 yaşında olmalıdır. Qadının kişidən böyük olması məsələsi isə heç müzakirə də olunmurdu.
İngilis alimləri isə 23 yaş fərqinə mənfi münasibət bəsləyirlər. Onların apardığı tədqiqata görə qadınla kişinin arsında 15 yaşdan artıq fərq olduğu halda dünyaya övlad gətirmə məsələsində problem yarana bilərmiş.
Avstraliya alimləri 5 il yaş fərqini ideal hesab edirlər, lakin yenə də kişi qadından yaşlı olmalıdır. Onların hesabına görə belə nigahdan daha çox uşaq dünyaya gətirmək mümkündür.
Kişi qadından çox yaşlı olan ailələr psixoloji nöqteyi nəzərdən düzgün hesab olunur. Kişilərdə "düşünülmüş atalıq” hissi 40 yaşında baş qaldırdığı üçün məhz bu yaşda onlar daha çox ata olmaq istəyirlər. Bildiyiniz kimi, dünyaya övlad gətirmək üçün atanın yaşı bir o qədər də əhəmiyyətli deyildir. Kişi 70 yaşında da ata ola bilər (Çarli Çaplin, məsələn 72 yaşında idi, həyat yoldaşı isə ondan 36 yaş cavan idi), yaşı 35-dən çox olan qadınların isə patologiyalı uşaq dünyaya gətirmək riski artır.
Qadının kişidən yaşlı olduğu varianta nəzər salaq. 2-3 il yaş fərqi əhəmiyyətli sayılmır. Lakin daha böyük fərq olduqda intimoloq və psixoloqlar bu nigahları qısaömürlü hesab edir. Lakin burda da istisna halları mümkündür. Məsələn, Serqey Mixalkov ilə Natalya Konçalovskayanın nigahı 52 il davam etmişdir (Natalya Serqeydən 10 yaş böyük idi). Yoldaşı Qalyanın Salvador Dalidən də 11 yaş böyük olması bir faktdır.
Beləliklə, ailədə ən optimal yaş fərqi kişinin qadından 5 yaş və ya qadının kişidən 2-3 yaş böyük olmasıdır. Lakin sizin ailə bu formulaya uyğun gəlmədən xoşbəxt yaşayırsa, deməli, ən ideal yaş fərqi elə sizdədir.