Evliliyi nələr sarsıdır

Qeydiyyat Şifrənin bərpası

Qadınla.Com

Tarix: 30-12-2013, 10:00

Müəllif: Pure Love

Şərhlər: 5

Baxılıb: 3 152

Bölmə: Münasibətlər / Evlilik

Səs ver:

(səs: 4)

Ağlını oxumaq

Evlilikdə əlaqə pozulmağa və bədbəxtlik ortaya çıxmağa başlayınca araya məsafələr girər. Davamlı mübahisə, kədər, bir nöqtədə cütləri səssizliyə və öz dünyalarına itələyər. Lakin burada şifahi ünsiyyət yerinə sözsüz ünsiyyət, yəni davranışlardan mənalar çıxarıb, həyat yoldaşı mühakimə etmə müddəti başlar. "Hah! Yenə qız idin. Baxışlarından anladım. Sən elə demək istəmədin. Sənin başın içində nələr var, çox yaxşı bilirəm… " tərzindəki yanaşmalar,həayat yoldaşın jest və mimikalarından, hal və hərəkətlərindən mənalar çıxarmağa istiqamətlidir.

Tənqid

"Sən həmişə beləsən. Onsuz da bir gün belə olsun məni dinləmədin, həmişə qışqırırsan, bacarıqsızsan, filanın həyat yoldaşını nümunə götür, məni üzməkdən zövq alırsan…" tərzindəki ifadələr, həyat yoldaşı günahlandırıcı, mühakimə edici və incidici tənqidlərdir. Halbuki ünsiyyətdə "mən" dilini istifadə etdiyimizdə hayat yoldaşımıza belə deyə bilərik: "Mən bu sözündən və ya davranışından ötəri çox kədərləndim, xəyal qırıqlığı yaşadım." Bu ifadə daha yumşaq olduğundan, ayrıca adamda meydana gətirdiyi duyğunu da hadisəyə əks etdirdiyindən hayat yoldaşı müsbət istiqamətdə təsir edə bilər və buna görə müsbət qarşılıq verə bilər.

Ümumiləşdirmə

"Həmişə beləsən. Belə edərsən. Eqoistsən. Heç dəyişmirsən. Bu xasiyyətini anandan - atandan almısan. Bir gün də yaxşı yanını görə bilməyəcəyəmmi?" tərzindəki ifadələr, həyat yoldaşı bir qəlibə salan və damğalayan ifadələrdir. Məntiqi olaraq düşündüyümüzdə, madam ki, yoldaşınız söylədiyiniz kimi həmişə elə", illərdir dəyişmir, yaxşı siz nə nisbətdə dəyişdiniz? İşə özünüzü dəyişdirməklə başlayın.

Keçmişi xatırlatmaq

Hər kəsin evliliyində, keçmişdə yaşadığı mənfi bir xatirəsi vardır. Ailə döyüşləri, incikliklər, xəyanətlər, hörmətdən salmalar və xəyal qırıqlıqlarıdır. Keçmişdə yaşanan pis anını davamlı gündəmə gətirmək çətinlik doğurar və problemləri gücləndirər.

Həmişə haqlı olmaq

Səhvlər, iki tərəfdən də qaynaqlandığı halda "Kim daha haqlı?" deyə sanki "məhkəmə" qurular. "Evliliyimiz boyunca mübahisələri heç mən başlatmadım. Sən həmişə mənə pis davrandın, məni alçaltdın. Bütün problemlər səndən qaynaqlanır!" kimi sözlər, tıxanan evliliklərin klassik sözləridir. Halbuki əvvəl özümüzə baxmamız və "Mən harada səhv edirəm, səhvim nə ola bilər?" deyə düşünmək lazımdır. Davamlı qarşı tərəfi haqsız görmək işin asan istiqamətidir.

Məsuliyyət

Ailə yükünün tək tərəfə yüklənməsi adamı həddindən artıq stressə salıb gərgin və hirsli edə bilər. Buna görə heç bir cinsiyyət ayrımı güdmədən ediləcək işləri ortaq şəkildə etməyə cəhd göstərmək lazımdır. Digər tərəfdən, əlaqədəki pozulmadan ötəri "Sən məni məcbur edirsən, dəli olduyursan; buna görə hirslənirəm" yerinə, "Səninlə əlaqəmdə çətinlik çəkir və bəzən hirsmi idarə edə bilmirəm" tərzində danışılsa, adam özünü də ortaya qoyur və məsuliyyəti paylaşmış olur; beləcə həyat yoldaşı günahlandırmır, problemə diqqət çəkib, üzərində düşünülməsi lazım olduğu mesajını verir.

Məntiqi yanaşma

"Ya mənə yaxşı bir səbəb göstər, söylədiklərimi çürüt, ya da məni qəbul et!" yanaşması evliliklə iş əlaqəsini qarışdırma yanaşmasıdır. Evlilikdə rollar, duyğular, cinsəllik və bir çox dəyişən rol oynayar. Özümüzü "təmizə çıxarma"da məntiq hadisəsini irəli sürmək öz özümüzü aldatmaqdan ibarətdir.

Sözünü kəsmək

Ünsiyyətdə ən əhəmiyyətli xüsus, danışan insanı sonuna qədər dinləmək, çox lazımdırsa aralarda girməkdir. Dinləməmiz, anlamamız və özümüzü izah etməmiz lazımdır. Bunun yolu da hörmətlə dinləmək və səs tonunu yüksəltməməkdir.

Terapist yanaşması

Həyat yoldaş, nə qədər əlaqədar və təcrübəli olursa olsun, özünü həkim yerinə qoymamalı; çünki bir şey dəyişməz, hayat yoldaşı özünü dinləməz və müqavimətlə qarşılaşar. Buna görə "yaxşı bir hayat yoldaş, yoldaşı, sevgili" necə olsa, ona elə davranmalıdır.

/Mənbə:Qadınlar.Biz/