Evliliyin ilk günlərində tərəflər bir-birilərinə güzəştə getməyə daha çox meyilli olurlar. Buna görə də kiçik məsələləri böyütmür, həmçinin üzr istəməyi də unutmurlar. Digər tərəfdən, mübahisələri ən az itki ilə başa vurmağa çalışır, lazım gəldikdə isə susmağa üstünlük verirlər. Bir-birlərini yenii tanıdıqları üçün hər hansı bir gərginlikldə geri çəkilir və Deməli həyat yoldaşımla sakit olanda danışmaq daha yaxşıdır kimi ifadələrlə öz-özlərinə hesabat verirlər. Bir sözlə ilk vaxtlar bir-birlərini tanımaq üçün yeni üsullar kəşf edən tərəflər bu şəkildə mübahisələrin böyüməsinə mane olur və yeri gələndə haqsız olduqlarını ifadə etməkdən də çəkinmirlər. Ancaq tərəflər bir-birlərini az-çox tanımağa başladıqdan sonra yuxarıda dediklərim yerini qarşılıqlı ittihamlar tutmağa başlayır. Beliklə, tərəflər öz səhvlərini görmür və bu səhvləri daha çox qarşı tərəfdə axtarmağa çalışırlar. Ən təhlükəsi isə bütün bunlar məsələnin kiçikliyindən və ya böyüklüyündən asılı olmayaraq baş verir. Bir sözlə, hər iki tərəfin Mən haqlıyam iddiaslna düşməsi ailədə gələcək problemlərin bünövrəsinin qoyulmasına səbəb olur. Bunun qarşısını almaq üçün isə ən yaxşı yol tərəflər arasında qarşılıqlı empatiya qurmaqdır. Bir sözlə əgər siz Mən haqlıyam deməyə başlayırsınızsa deməli, bu sizin münasibətlərinizdə problem olmasından xəbər verir.