Nişanlılıq
dövründəki problemlər evləndikdə həll olunurmu? Ailə deyilincə ağıla
bir-biri üçün çarpan bir cüt ürək gəlir. Bir yastıqda yaşlanma xəyalı
ilə qurulan yuvalara duyulan həsrət hər keçən gün artır. Həyat yoldaşı
seçimindən sonra evliliyə addım atılarkən ən əhəmiyyətli proses,
şübhəsiz nişanlılıq dövrüdür. Sağlam bir nişanlılıq dövründə yoldaş
namizədləri bir-biriylə görüşməyə istəkli davranır, yuva qurma
hazırlıqları əsnasında şirin bir həyəcan duyar, bir-birlərinin
gözləmələrini məqbul sərhədlər içində qarşılamağa diqqət göstərər və
marağını göstərmək üçün fürsətlər tutmağa çalışarlar. Ümumiyyətlə
nişanlılıq dövrü yaxşı keçsə ailə birliyi də sağlam bir şəkildə qurular.
Həyat yoldaşı namizədlərinin və ailələrin bir-birini daha yaxşı
tanıması üçün nişanlılıq dövrü həddindən artıq qısa olmamalıdır. 1-2 ay
kimi çox qısa davam edən nişanlılıq həyatı evliliyin ilk illərində ciddi
problemlər görülməsinə yol aça bilər.
Bu
dövrdəki bəzi kiçik problemlər ancaq hər iki tərəfin anlayışı ilə
yoluna qoyula bilər. Əgər yoldaş namizədləri özlərini doğru tanıtmayıbsa
nişanlılıq dövrü ümumiyyətlə pis keçər. Həyat yoldaşı namizədlərinin və
ailələrin problemlərlə baş etməklə yanaşı evliliyin nə şəkildə həyata
keçəcəyi ilə əlaqədar əhəmiyyətli ip ucları verər. Nişanlılıq müddətində
ailələrə çox iş düşür. Həyat yoldaşı namizədləri ailələrinin də dəstəyi
ilə sevgi, hörmət ölçüsünü keçməməli və bir-birini doğru anlamağa
çalışaraq yaşadıqları çətinliklərin öhdəsindən gəlməlidir. Hər insanın
əlaqəsi özünə xas olub öz şərtləri içində qiymətləndirilməli və səbəb nə
olursa olsun nişanlılıq dövründə qarşılaşılan problemlərə böyük
əhəmiyyət verilməlidir.
Bəzən
yoldaş seçimində edilən səhvlər, şəxsiyyət problemləri ya da yoldaş
namizədi və ailə quruluşu haqqında kifayət qədər məlumat sahibi olmadan
evlilik qərarı alınması nişanlılıq dövründəki yaxın görüşlərlə fərq
edilir. Bəzən də nişanlılıq müddətində görülən mənfi davranışlara
həddindən artıq xoşgörüşlü davranılaraq evlilikdən sonra düzələcəyi
düşünülür. Əhəmiyyət verilməyən bu davranışların həqiqi ölçüsünü başa
düşülməyə çalışılmazsa evliliyin irəliləyən dövrlərində daha ciddi
problemlər ortaya çıxır.
Nişanlılar
sirr tutmağı bilməlidir və nişanlısının ailəsi haqqındakı hər hadisəni
öz ailəsinə deməməlidir. Sirr tutmamaq isə adamın evlilik dərəcəsinə
kifayət qədər çatmadığını göstərər. Qarşılaşan hər problemdən sonra
ayrılmaqla təhdid etmək, üzük çıxarmaq şəklindəki fövri davranışlar,
peşman olub üzr istəyib eyni hərəkətləri təkrarlama şəklindəki əsassız
hal və hərəkətlər də yetişməmiş ruh halını göstərər. Bundan başqa alçaq
kompleksi, şəxsiyyət və mədəniyyət fərqlilikləri mövzusunda həddindən
artıq dözümsüzlük də evliliklərdə ciddi problemlərə səbəb olur.
Nişanlılıq dövründə qarşılaşılan bu kimi ciddi vəziyyətlərdə nişanlılar
evlilik qərarlarını təkrar nəzərdən keçirməli, ailələrinin məqbul
xəbərdarlıqlarını diqqətə almalı, nişanlılarının müsbət xüsusiyyətləri
ilə mənfi xüsusiyyətlərini göz önünə aldıqlarında qərarsız qalsalar
təcrübəli etibarlı kəslərlə müşavirə etməlidirlər.