Qaynanamla yola getmirəm, nə edim?

Müəllif: Sweet Candy
Şərhlər: 5
Baxılıb: 410
Paylaş:
Səs ver:
(səs: 1)
Hər bir ailədə xoşbəxtlik qazanmağın yolu ailə üzvlərinin Uca Allahın əmrlərinə riayət edib qadağan etdiyi şeylərdən çəkinməsi, həmçinin onların Allahın buyurduğu qaydada bir-birinin haqlarını verməsidir. Uca Allah buyurur: "Ey iman gətirənlər! Özünüzü və ailənizi yanacağı insanlar və daşlar olan oddan qoruyun!" (ət-Təhrim, 6).

1) Qadının kişi üzərində haqları var və kişi bu haqlarını verməlidir. Qadının haqlarına kişinin onunla xoş davranması, öz yediyindən onu yedirtməsi, geyim və digər zəruri ehtiyaclarını ödəməsi, ona nəvaziş göstərməsi, onunla birlikdə vaxt keçirməsi və ailə həyatının digər tələblərini ödəməsi, ailə işlərində onunla məsləhətləşməsi, namusunu, qürurunu qoruması, başqalarının yanında onu alçaltmaması və s. daxildir. Kişi bunları etmədikdə qul haqqı kimi böyük günahla yüklənir, qul haqqını isə zülm edilmiş insan bağışlamadığı təqdirdə Allah da bağışlamır. Qadın kişiyə bunları xatırlatmalı və tələb etməli, Allahdan qorxmağı onun yadına salmalı, fayda verməsə, sözünü eşidib dinlədiyi insanlar da ona nəsihət etməlidirlər.

2) Qadın qaynanası ilə səbirli davranıb ona cavab qaytarmamalıdır. Uca Allah buyurur: "Rəbbin yalnız Ona ibadət etməyi və ata-ana ilə yaxşı davranmağı buyurmuşdur. Əgər onların biri və ya hər ikisi sənin yanında qocalıq yaşına dolarsa, onlara: "Uf!" belə demə, üstlərinə qışqırma və onlara xoş söz söylə!" (əl-İsra, 23-24). Peyğəmbər (salləllahu aleyhi və səlləm) demişdir: "Bərəkət böyüklərinizlədir". (əl-Hakim, 210). Gəlinin qaynanası ilə pis davranması ərinə qarşı da hörmətsizlik olduğu üçün əri ilə də münasibətlərin korlanmasına gətirir. Allah Elçisi (salləllahu aleyhi və səlləm) demişdir: "Sədəqə vermək malı əskiltməz. Bağışlayan olduğuna görə Allah qulunun izzətini artırar. Bir kimsə Allah üçün təvazökar olarsa, Allah onu ucaldar". (Muslim, 2588). Bu vəziyyətdə qadın Allah üçün səbr etməli və mükafatını Allahdan istəməlidir. Peyğəmbərimiz (Allahın ona və ailəsinə salavatı və salamı olsun) demişdir: "Bəlaya düçar olanlara Qiyamət günü mükafat veriləcəyi zaman, bəla görməyənlər dünyada ikən dərilərinin kəskin alətlərlə kəsilmiş olmasını istəyəcəklər". (ət-Tirmizi, 2402).

3) Kişi öz anasının qısqanclığını azaltmaq üçün onunla xoş davranmalı, diqqət göstərməli, vaxtaşırı kiçik də olsa hədiyyə almaqla könlünü almalıdır. Bəzi analar öz oğulları evləndikdən sonra onlara olan diqqətin, sevginin azalması səbəbilə oğullarını evə gələn gəlinə qısqanırlar. Kişi öz əməlləri ilə bunun belə olmadığını öz anasına göstərməlidir.

4) Əgər qaynanası qadına böhtan atırsa, qadın fitnə çıxarmadan, öz ərinə təklikdə nəsihət etməlidir ki, belə vəziyyətdə şəriətimiz ittiham edən tərəfə sübut gətirməyi, ittiham olunan tərəfə isə (qadın özü) Allahın şiddətli cəzasından qorxaraq and içməyi əmr etmişdir. Əgər sübut yoxdursa və qadın Allaha and içirsə, bu halda kişi qadına inanmağa borcludur. Daha ətraflı: Böhtana məruz qalan nə etməlidir?

5) Əgər qaynana və ya başqa kimsə cadu edirsə, Peyğəmbərimizin (salləllahu aleyhi və səlləm) öyrətdiyi qaydalarla cadudan qorunmaq lazımdır.

6) Qadın günah işlərdə heç kimə itaət etməməlidir. Qaynana və ya ər vaxtın olmaması, uşaqların azyaşlı olması və s. şeyləri bəhanə edərək qadına namaz qılmağı, Ramazan ayında oruc tutmağı və digər vacib əməlləri qadağan edirsə və ya günah işlərə məcbur edirsə, qadın onlara tabe olmamalıdır. Peyğəmbərimiz (Ona və ailəsinə Allahın salavatı və salamı olsun) demişdir: "Xaliqə (Yaradana, Allaha) asi olmaqda məxluqa (yaradılmışa) itaət edilməz". (İmam Əhməd, 1095). Belə vəziyyətdə qadın fitnə çıxmaması üçün otağı bağlayaraq gizli də olsa namazları qılmalıdır.

7) Əgər ərinin imkanı varsa, qadın ayrıca evdə yaşamağı tələb edə bilər, çünki qadının sərbəst olmaq, istədiyi geyimdə olmaq, əri ilə tək qalmaq, ailə həyatını istədikləri tərzdə yaşamaq haqları var. Amma ərinin imkanı olmadığı təqdirdə mümkün olmayan şeyi tələb etməməlidir.

8) Ərinizin və ya qaynananızın sizin ananızla danışmanıza qadağa qoymasına heç bir haqqı yoxdur və buna görə günah qazanır. Əriniz öz valideynləri ilə əlaqə saxladığı kimi və sizdən də onun valideynlərinə xoş davranmağı tələb etdiyi kimi, özü də sizin valideynlərinizə xoş münasibət göstərməli və sizin də əlaqə saxlamağınıza icazə verməlidir. Allah Rəsulu (sallallahu aleyhi və səlləm) demişdir: "Allah hər günahın cəza vaxtını Qiyamətə qədər təxirə salar. Ancaq valideynə qarşı edilən itaətsizlik bundan istisnadır. Allah ona ölümündən öncə dünyada cəzasını verər". (Tabərani). Həmçinin demişdir: "Valideynləri ilə əlaqəni kəsən cənnətə girməz". (Buxari, Muslim). Qadın istəmədiyi təqdirdə əlaqə kəsdiyi üçün günah qazanmır, amma əri isə buna səbəb olduğu üçün günah qazanır. Ərinizə əgər bacarırsınıza özünüz, əks halda sözünü eşidib dinlədiyi ağsaqqallar və ya qohumlar nəsihət etməlidirlər ki, Allahdan qorxsun və Onun qoyduğu həddləri aşmasın. Uca Allah buyurur: "Qoy onun (peyğəmbərin) əmrinə qarşı çıxanlar başlarına bir bəla gəlməsindən, yaxud özlərinə ağrılı-acılı bir əzab üz verməsindən qorxsunlar." (ən-Nur, 63). Yalnız valideynləriniz sizin ailə işlərinizə qarışaraq fitnə yaradırlarsa, bu halda qadağa qoya bilərlər.

9) Bütün bunların olması üçün Allaha çoxlu dua etmək və duaların qəbul olması üçün xeyirli əməllər etmək lazımdır, çünki insanların qəlbləri Allahın əlindədir.

loading...
Загрузка...
(səs: 1)
Şərhlər: 5
Baxılıb: 410
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
şokalad
Qaynana ile yola getmek ucun, yalniz ve yalniz uzaq ve ayri evde yasamaq lazimdir. Basqa cur yolu yoxdur. Cunki ne qeder sebirli de olsan, her sozune de baxsan danisan qaynanalar var.
Uzaq yasamaq demek, mehriban olmaq demekdir.
15 yanvar 2019 07:15
5
Offline
vipbetul
evliler oxusun
14 yanvar 2019 09:34
4
Of,If I stretch my hands,do you hold them in your hands,Sir?
Oh, do you look at my tearful eyes even once?
Offline
KRALİCEM
Allh cerin qaynansi olan gelinlerimize sebr versin
13 yanvar 2019 13:29
3
sukur verdiklerine
Online
Cema_Axodova
Bir tek onu bilirem gelin-gelin deyil duwduyu yer gelindi.men istenilmeyen gelinem deye her iwimize qariwir.ama mende ele insan am ki, vecime almiram daha.baxirki, ozu deyir ozu ewidir men zaten bildiyimi edirem.
12 yanvar 2019 22:25
2
p.s
Offline
Nezrin6
Biz teze evli olanda cox incidirdi qaynanam meni. Her weye,geyimime,makiyajima,yemeyime(cox yedin),icdiyim caya(cox cay icdin), niye yatdin, ne bilim,axir ki her weye qariwirdi. 3 ay eziyyet cekdim. Amma Wukur sonra biz oz evimize kocduk. Evimiz var idi,sadece kocmeye qoymurdu. Yoldawim onun ilk uwagidi,dehwet cox isteyir oglunu. Oglunu qisqanirdi mene. Bezi geceler yatdigimiz yerde qapini doymemiw girirdi otagimiza. Yoldawim da buna gore dediki hazirlaw kocuruk,bele yawamaq olmaz. Duzdu kocduyumuze gore meni gunahkar bildi qaynanam. Qaynimi,qaynatami doldururdu. Amma sagolsun qaynim,qaynatam meni tuturfular hemiwe. Deyirdiler sebr ele. Indi qaynim evlidi,ele bir gelin cixibki qarwisina az qalir qaynanam evden qacsin. Gelin qaynanamin bacisinin nevesidi. Indi menim bawima firlanir qaynanam. Men sebr etdim,hec vaxt cavab qaytarmadim, yoldawima gore bezi weyleri kecirdim. Yoldawim sagolsun qoymurdu meni incitsinler,amma o evde olmayanda olanlar olurdu. Wukur indi yaxwidi her wey. Hec kim qariwmir,hec ne demirler. Ailemle,uwaqlarimla rahat yawayiriq. Qaynanalar hemiwe oglanlarini qisqandiqlarina gore gelinlere eziyyet edirler. Mence duzgun deyil.
12 yanvar 2019 20:37
1

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri