Kədərli ayrılıqdan sonra bir çox insan əvvəlki sevgilisini xilaskarı kimi görür.  Depressiyada olan müddətdə təsəlli verən biriniə ehtiyac duyur. Bu zaman yağışdan çıxıb yağmura düşmə ehtimalı yüksəkdir. Çünki  baş tutmayan münasibətlərə bir daha verilən şans, yaxşı nəticə vermir. Duyğusal anlarda qarşı cinslə yaxınlaşarkən nəzarəti əldən vermək olmaz. Hislərinizin sizi idarə etməsinə icazə verməyin.

Bitən sevginin ardından bir tərəfin digərinə böyük hirs bəslədiyi doğrudur. Hətta iki eks sevgili bir-birindən nifrətlə danışır. Psixoloq, mövsümlərin dəyişməsini qəbul etdiyimiz kimi, cütlüklərin də bir-birini olduğu kimi qəbul etməli olduğunu söyləyir. Ancaq sevmək üçün qarşımızdakı insanı yaxşı tanımaq lazımdır. Çünki insan ancaq yaxşı tanıdığı birinə dərin sevgi bəsləyə bilər. 

Psixoloq vəfalı və sədaqətli olmağı, cütlüyün odla imtahanı adlandırır. Bu imtahanın uğurla nəticələnməsi üçün duyğular arasında şəfqət hissinin də olması məcburidir. Xəstəliklərdə və çətinliklərdə həyat yoldaşına göstərilməyən şəfqət, sədaqət və qayğı gələcəkdə nifrət hissinə çevrilə bilər. 

İlk vaxtların həyəcanı keçib və münasibətlər adiləşibsə, təhlükəli müddət başlayır. Hər şeyin vəzifə, borc, ya da məcburi hal aldığı andan etibarən münasibətlərdə durğunluq yaranır. Bu kimi hallarda həyat yoldaşınızı xoşbəxt etmək üçün fədakarlıq etməyin və onu məmnun etmək üçün öz istəklərinizi qurban verməyin. 

Ayrılıqdan sonra, əvvəlki sevgilinizlə dost qalma fikri ilə razılaşmayın. Psixoloq sevgilinizi sizə xatırladan hər şeyin uzaqlaşdırılmasını məsləhət görür. Yeni həyata başlayın. Başqasını deyil, özünüzü fikirləşin.