Sosial şəbəkələrdə tanış olub, evlənənlərin sevgisi daha uzun ömürlü olur. Bu qərara Çikaqo universitetinin alimləri gəliblər. Keçirilən sorğu nəticəsində məlum olub ki, müasir dövrdə cütlüklərin 35 % internetdə tanış olur. Və ən maraqlısı odur ki, sosial şəbəkədə tanış olub evlənənlərin arasında boşanmaların sayı iki dəfə digərlərindən azdır. Alimlər hesab edirlər ki, internetdə tanış olan insanlar digərlərinə nisbətən daha təcrübəli, yaşlı, ali təhsilli və yaxşı maddi imkana sahib olan şəxslərdir. Ola bilsin məhz bu amillər internetdə tanış olan insanların nigahını uzun ömürlü edir.