Bir-birini canlarından da çox sevən gənclərin qovuşmalarını ailələri istəmirdi. Gənclər bir-birilərini o qədər çox sevirdilər ki, ayrıla bilmirdilər. Bu səbəbdən qız çox fikirli idi. Yolla gedərkən qarşına yaxın rəfiqəsi belə çıxsa, tanımayacaq qədər fikirli idi. Günlərin bir günü yolu qarşıya keçəndə qəza baş verir. Yarası ağır olduğu üçün yerindəcə keçinir. Bu xəbər ailəyə gəlib çatır. Qızın anası kədərdən xəstələnərək xəstəxanaya aparılır. İki gün sonra xəbər oğlana çatır. Oğlan inana bilmir, şoka düşür.
Qızın dəfn mərasiminə oğlan gəlir, amma tanınmamaq üçün uzaqdan baxır, göz yaşlarını içinə axıdaraq ağlayırdı. Hər gün təzə aldığı qızılgülləri sevgilisinin məzarı üstünə qoyub, şəklini öpüb evə qayıdır. İstər qış, istər yay olsun onu soyuq məzarında tək buraxmır. Bir gün qızın anası qızının məzarını ziyarətə gəlir və görür ki, məzarın üzərində təzə qızılgüllər var.Fikirləşir ki, yəqin qohumlardan biri ziyarət edib.