Heç qarşılıq gözləmədən sevdinizmi? Yəni bu gün zəng etmədi demədən, bu dəqiqə haradadır görəsən.. deyə öz özünüzü yemədən, ad günümü xatırlayacaqmı görəsən deyə gözləmədən sevdinizmi heç?
Onun, sizə aid biri olmadıgınızı qəbul edib, onu azad həyatı ilə sevməyi sınadınızmı?
Yanındakı sevgilisini vecinə almayıb, bitəcəksə bitər, bunu dəyişdirə bilmərəm, məni sevməyi buraxmasını dəyişdirə bilməyəcəyəm kimi deyə düşünüb, onu yersiz qısqanclıqlara boğmaqdan və özünüzü köhnəltməkdən imtina edə bildinizmi heç?
Heç gözləmədən bir qapıda onu qarşınızda görmək nə gözəldir bilirsinizmi?
Gözləmədən gələn bir 'səni sevirəm' mesajının dadınabaxa bildinizmi heç?
Siz istədiyiniz üçün deyil, o istəyir deyə edildimi bunlar?
Və qarşılıqsız sevmənin dadına baxa bildinizmi heç? Bu gün məni xatırlamadı yerinə -"heç gözləmirdim gələcəyini"- deyə bilmək nə gözəldir halbuki... Onu və özünüzü boğmadan sevə bilmək nə gözəldir. Sahiblənmə duyğusundan uzaq, sevmənin, sevilmənin dadına baxa bildinizmi heç?
Edilməmiş davranışlar, deyilməmiş sevgi sözləri ilə öz özünüzü eşq çıxmazında itirəcəyinizə, gözlənilməyən bir dəstə çiçəklə xoşbəxt oldunuzmu?
Qarşılıq gözləmədən sevin. Niyə axtarılmadım deyə düşünüb öz özünüzü yeməyinizəheç gözlənilməz bir 'sənə darıxdım' mesajı ilə eşqi tutun.
Qarşılıq gözləmədən sevin. O sizin sevgiliniz olduğu üçün deyil. Ona sənədli malınız kimi, çantanız, avtomobiliniz kimi davranma haqqınız olduğunu düşünmədən sevin.
Sevgiyə qarışan gözləmə deyilən xəstəliyi dərhal silin səhifələrdən. Görəcəksiniz ki o zaman eşq başqa bir gözəl.
Görəcəksiniz ki o zaman sevmək və sevilmənin damarlarda buraxdığı dad, köhnəlmiş şərab kimi, gözləmə zəhərinə qarışmadan bir başqa cür çevirir insanın başını. Mən gözləməsiz sevirəm. Onun harada olduğunu maraqlanmıram. Məni bu gün axtarmadı deyə keçirmirəm içimdən. Gələcəyə dair xəyallarım yox. Mən sevgini yaşayıram. Onun yanımda olduğu anlar o qədər qiymətli ki!
Reallaşmayacaq gözləmələrlə məhv etmirik o anları. Qarşılıq gözləmədən sevirik. Sevdiyimiz üçün sevirik. Xəyalsız, gələcəksiz, gözləməsiz. Anlıq sevirik.
Siz qarşılıq gözləmədən, xəyallarsız sevə bilərsinizmi?