Bu dəfəki məqaləm xüsusi məqsədlə yazılıb. Bilirəm bu çox qadınlara, daha doğrusu əksər xanımlara aid deyil. Amma cəmiyyətdə heç olmasa 5-10 belə hadisə varsa yazmağa dəyər məncə.
Bu ağır mövzudur... Qadın və xəyanət... Avropadan gələn mədəniyyətlə dilimiz həmişə kişi xəyanət etdi sözünə öyrəşmişdi.
Həəə... Tarix dəyişir... Zaman dəyişir... Mühit dəyişir... Bəs biz? Axı biz başqa idik. Axı biz azərbaycanlı idik... Axı biz azərbaycanlıyıq... Bəs bizdə nə dəyişdi?! Bu mövzunu işləmək ağlıma belə gəlmirdi, amma 10-15 gün qabaq eşitdim ki, bir xanım ərinə xəyanət edir. Keçdi... Amma bu gün yenə bu barədə eşitdim ki, daha bir xanım da ərinə xəyanət edib. Hə dedim, bu mövzu barədə yazmağa dəyər.
Qadın olduğum üçün çox bəhanə axtardım bu xanımlar üçün... Axı nə bəhanə edə bilərdim? Ailəli ola-ola, uşaqlı ola-ola, gözəl ərə sahib olduğu halda nə bahənə gətirə bilərdim bu xanımlara? Axı heç bir vəchlə, heç bir bəhanə ilə bu işi görmək olmaz... Axı bir xanım necə özünə bu alçaqlığı rəva edə bilər?! Axı o xanım necə uşaqlarının gözünə baxıb, onlara tərbiyə verir? Necə ərinin üzünə söz deyə bilir?!
Xanımlar, sizə ünvanlayıram sözlərimi: Vallah düz deyil bu... Vallah biz avropalı deyilik, biz azərbaycanlıyıq. Ən üstün olan nemətimiz isə bizim müsəlmanlığımızdır. Etməyin!... Allahın ərşini titrətməyin! Bir naməhrəm əl naməhrəmə dəyəndə Allahın ərşi titrəyirsə, gör belə xəyanətlər zamanı nələr baş verir?
Elə bilməyin, siz ərinizi aldada bildiniz, daha o tutmadısa, daha sizə yol açıqdır. Yol hələ qabaqdadı. And ola Allaha, ərinə xəyanət edən xanım bunun cavabını Qiyamət günü Allaha verə bilməyəcək.
Sonda isə deyirəm: əl çəkin bu kinolardan… Həyat o kinolarda görünən qədər bəsit deyil. Ələxsüs o kinolarda insanın bu həyatını göstərirlər. Cavab vermək anı isə o biri dünyadadır.