Xalqımızın əziz bayramı olan Novruz dörd ünsürü ilə təbiətin yaşıl donunu geyinməsinin, isti nəfəsli günlərin həyatımızı rövnəqləndirməsinin, torpağın, suyun yeni vüsətlə oyanmasının soraqçısı və rəmzidir. Novruz həm də insanların ovqatına yenilik, təravət gətirir. Novruz yeni ümidlər, oyanış, yüksəliş bayramıdır.
Sizi Novruz bayramı münasibətilə səmimi qəlbdən təbrik edir, bu əziz bayram günlərində hər kəsə bahar ovqatı, cansağlığı və səadət arzulayırıq.