“Bakcell”dən 1.5 milyon manatlıq ianə, ən son tibbi avadanlıqlar, koronovirusla ...

Müəllif: Sweet Candy
Şərhlər: 8
Baxılıb: 537
Paylaş:
Səs ver:
(səs: 0)
“Bakcell”dən 1.5 milyon manatlıq ianə, ən son tibbi avadanlıqlar və koronovirusla mübarizəyə yönəlmiş digər tədbirlər
Dünyada koronovirusun yayılması ilə əlaqədar olaraq, Bakcell şirkəti ölkəmizdə həyata keçirilən genişmiqyaslı tədbirlərə qoşulub. Şirkət öz abunəçiləri və əməkdaşları ilə yanaşı bütün Azərbaycan vətəndaşlarının sağlamlığına töhfə vermək məqsədilə müxtəlif yaş qruplarını əhatə edən 360 dərəcə kommunikasiya və tədbirlər planı hazırlayıb.

Koronovirusla Mübarizəyə Dəstək Fonduna 1.5 milyon manatlıq ianə
Azərbaycanda ən geniş Korporativ Sosial Məsuliyyət strategiyasına malik şirkətlərdən biri olan Bakcell Azərbaycan Respublikasının Prezidenti cənab İlham Əliyevin Fərmanı ilə yaradılmış Koronovirusla Mübarizəyə Dəstək Fonduna 1.5 milyon manat ianə edib. Bu məbləğ Şirkətin daxil olduğu NEQSOL Holding tərəfindən ayrılmış 5 milyon manat ümumi büdcə çərçivəsində fondun hesabına köçürülüb.

Ən son tibbi avadanlıq və ekspress-testlər əldə olunub
Ölkədə COVİD-19 virusuna qarşı mübarizəyə və vətəndaşları yüksək keyfiyyətli tibbi xidmətlərlə təmin etməyə yönəlmiş tədbirləri dəstəkləmək məqsədilə Bakcell Azərbaycana ən son tibbi avadanlıq və vasitələrin gətirilməsi üçün iri həcmdə vəsait ayırıb. Bunun sayəsində süni tənəffüs aparatları, bədən hərarətini məsafədən ölçən xüsusi keçid-buraxılış avadanlıqları, eləcə də koronovirusa yoluxmanı yerindəcə müəyyən etməyə imkan verən 3000 ədəd ekspress-test əldə olunub. Bu avadanlıq və vasitələr Nazirlər Kabineti yanında operativ qərargah tərəfindən müəyyən edilən mərkəzlərə təqdim olunacaq.

#görünməzqəhrəmanlar və karantində olan insanlar üçün xüsusi kampaniya
Bakcell karantində olan vətəndaşlarımızı və onlara qayğı göstərən “görünməz qəhrəmanlar”ı - tibb işçilərini də unutmayıb. Onlar üçün xüsusi sürpriz hazırlayan Bakcell əməkdaşları bu günlərdə karantin mərkəzlərində çalışan tibbi heyətə təşəkkürünü, karantində olan insanlara isə dəstəyini ifadə etmək üçün açıqca vasitəsilə mesajlar göndərir.
Bundan əlavə, Bakcell şirkəti karantin məntəqələrində çalışan tibb işçilərinə 100 AZN və karantində olan vətəndaşlarımıza isə 50 AZN məbləğində ödəmə kartları göndərərək onlara öz yaxınları ilə ünsiyyətdə qalmaq imkanı yaradacaq.

Onlayn xeyriyyə marafonu
Bakcell koronovirusla mübarizəyə yönəlmiş digər Korporativ Sosial Məsuliyyət layihələrinin həyata keçirilməsini də planlaşdırır. Özünün AppLab proqramının dəstəyi ilə yaradılmış Run2Help mobil tətbiqetməsi vasitəsilə şirkət xeyriyyə məqsədləri üçün onlayn marafon keçirəcək. Evdə olduğumuz günlərdə aktiv və sağlam həyat tərzini təbliğ etmək üçün Bakcell gün ərzində atılmış addımları pul vəsaitinə çevirmək və ianə etmək imkanı yaradacaq. Toplanan məbləğ isə Bakcell tərəfindən ediləcək ianə ilə birlikdə şirkətin uzunmüddətli KSM partnyoru olan “SOS Uşaq Kəndləri”nə və digər təşkilatlara köçürüləcək.
Bundan əlavə, Bakcell şirkəti həssas əhali qruplarına dəstək göstərmək üçün digər KSM təşəbbüsləri üzərində işləyir.

Abunəçi və əməkdaşların təhlükəsizliyi - "evdeqal" tədbirləri
Bütün vətəndaşların və öz əməkdaşların sağlamlığı Bakcell şirkəti üçün prioritet məsələdir. Bu gündən etibarən Bakcell abunəçiləri öz telefonlarının ekranlarında “evde qal” çağırışını görəcəklər.
Həmçinin, şirkət öz abunəçilərinə xüsusilə vacib olmadıqda, Müştəri Xidməti Mərkəzlərinə getmək əvəzinə “Mənim Bakcellim” tətbiqetməsindən istifadəni və ya 555 Əlaqə Mərkəzinə zəng etməyi tövsiyə edib. Buna baxmayaraq, “Bakcell”in bütün xidmət mərkəzləri lazımi olan dezinfeksiya vasitələri ilə təchiz edilib.
Bundan əlavə, 103 təcili tibbi yardım xidmətinə olduğu kimi, “TƏBİB”in 1542 qaynar xətt nömrəsinə zənglər də bütün Bakcell abunəçiləri üçün tamamilə pulsuzdur.
Bu tədbirlər çərçivəsində Bakcell öz əməkdaşlarına evdən işləmək imkanı təklif edib və ofisə gəlib işləmək istəyən əməkdaşların təhlükəsizliyini təmin etmək məqsədilə bütün ofislərdə lazımı dezinfeksiya işləri aparılıb.

***

Bakcell haqqında
Azərbaycanın İlk Mobil Operatoru Bakcell şirkəti müasir mobil telekommunikasiya xidmətləri istifadəçilərinə geniş çeşiddə məhsullar təklif edir. Şirkət öz abunəçilərinə ən mükəmməl mobil internet xidməti göstərir.
8000-dən artıq baza stansiyası vasitəsilə Bakcell şəbəkəsi əhalinin 99%-ni, ölkə ərazisinin isə 93%-ni (işğal olunmuş ərazilər istisna olmaqla) əhatə edir.
Bu gün Bakcell şirkəti ölkədə ən böyük və sürətli 4G mobil şəbəkəsinə malikdir və Azərbaycanın bütün regionlarının mərkəz hissələrini (Naxçıvan Muxtar Respublikası və işğal olunmuş ərazilər istisna olmaqla) və ölkə əhalisinin 93%-ni əhatə edir.
Bakcell və onun məhsul və xidmətləri haqqında ətraflı məlumat əldə etmək üçün, xahiş edirik, www.bakcell.com internet səhifəsinə daxil olun və ya 555-ə zəng edin. Press-relizlərlə tanış olmaq üçün www.bakcell.com/az/news (və ya İngilis dili üçün www.bakcell.com/en/news) səhifəsinə daxil olun.
Qeyri-Bakcell abunəçiləri isə 012 498 89 89 nömrəsinə zəng etməklə “Bakcell”in məhsul və xidmətləri haqqında məlumat əldə edə bilərlər
(səs: 0)
Şərhlər: 8
Baxılıb: 537
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Şərh sayı: 1024
Xəbər sayı: 6
♡R.X♡
#Evde_qal
#saglamligini qoru

Tewekkurler BAKCELL
23 mart 2020 21:37
8
Şərh sayı: 12301
Xəbər sayı: 0
tatyana
Sitat: diablo
Alqışa layiq addımdır.Təşəkkürlər Bakcellalkis

Mencede
23 mart 2020 20:51
7
YAXŞILAR HER ZAMAN PİSLİYİN SACDIGI PİS QOXUDAN QOXARLAR, NE QEDER YAXŞI OLURSAN OL,ETRAFINDA PİSLİK VARSA SENE PİSLİK SAÇAR
Şərh sayı: 3711
Xəbər sayı: 109
ÜlSi❤
Sitat: LuNa
Sitat: Btsarmy;)
Bekselde iwe qariwdi 122

Allah güldürsün seni cıppılı :)) Her bir sistem fürsentden isdifade edir de:))

Bu Cavidde baş belası oldu da bütün dünyanı qatdı qarışdırdı biri birine canı ölmüş:)

Allah'da bakcelimizin canını sağ elesin ölkeden kenar yaşayan vetendaşlarımıza bir xeyiri-behri varmı:)) Heyat bakcelle gözeldir:)) Teşekkürler :))

Can bahemmm))
#evdeqal! Evdeqalmiw qizlarrrrrra wad xeber, tek deyilsiz!
23 mart 2020 01:15
6
... -'tek kişilik miydi ki bu şehir? Sen gidince bomboş kaldı da...✌❤☀:)
Şərh sayı: 565
Xəbər sayı: 1
monhappy
Sitat: Btsarmy;)
Bekselde iwe qariwdi 122

Allah güldürsün seni cıppılı :)) Her bir sistem fürsentden isdifade edir de:))

Bu Cavidde baş belası oldu da bütün dünyanı qatdı qarışdırdı biri birine canı ölmüş:)

Allah'da bakcelimizin canını sağ elesin ölkeden kenar yaşayan vetendaşlarımıza bir xeyiri-behri varmı:)) Heyat bakcelle gözeldir:)) Teşekkürler :))
23 mart 2020 00:49
5
Men LuNa :))) ❤️
Ömrümü ömrünə hədiyyə etdim ❤️
Şərh sayı: 307
Xəbər sayı: 1110
♥️Number one♥️
Alqışa layiq addımdır.Təşəkkürlər Bakcellalkis
22 mart 2020 22:33
4
Şərh sayı: 971
Xəbər sayı: 13
Army_Blink
Lap yaxwi oldu bu.
22 mart 2020 19:35
3
#**¶ Bu GÜnÜ yAŞa!!! SaBAhI düŞüNMe!
ÇÜnkÜ sABah OLmaYaDA bİlERsEn!!! *¢¶
Şərh sayı: 3711
Xəbər sayı: 109
ÜlSi❤
Bekselde iwe qariwdi 122
22 mart 2020 18:37
2
... -'tek kişilik miydi ki bu şehir? Sen gidince bomboş kaldı da...✌❤☀:)
Şərh sayı: 933
Xəbər sayı: 19
_abdullazadə_l_
Çox yaxşı oldu.
22 mart 2020 18:21
1
Hərbiçi yarı

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri