Bir çox kişi cinsi nümayəndələrinin problemi:
 
"qadın elə olmalıdır, qadın belə olmalıdır, namuslu olmalıdır, bakirə olmalıdır, evdən çölə çıxmamalıdır, qısa geyinməməlidir, siqaret, içki istifadə etməməlidir, gecə çölə çıxmamalıdır, başıaşağı olmalıdır, söz qaytarmamalıdır, sevgilisi olmamalıdır, kimsəylə öpüşməməlidir, əl-ələ tutmamalıdır"
 
Bu siyahını istənilən qədər uzatmaq olar. Bəli, bir çox erkəklərin gözündə qadın budur, onlar öz aləmlərində qadının tərifini bax beləcə verirlər. Bir sözlə, qadın bu erkəklərin
istədiyi kimi olmalıdır. Amma heç qadından soruşan yoxdur ki, ay qadın, sən özün necə olmaq istəyirsən? Qadının necə olmaq istədiyi bu tiplərin heç vecinə deyil,
əsas budur ki, qadın onların istədiyi kimi olsun... Onların istədikləri kimi olmayan qadınlara isə damğa vurmağa, ləkələməyə, min cür söz qoşmağa, əxlaq mühakiməsindən keçirməyə çalışırlar. Səbəbini soruşduqda isə deyirlər ki, qadını öz istədiyi hala buraxsan, qadın bunların
namusunu ləkələyər. Adama deyərlər sənin namusun niyə qadından asılıdır ki? Sənin özünə aid bir namus qavramın yox mu? Özünə aid bir namus qavramı olmayıb
qadın üzərindən namusluluq duyğusu yaşamağa, "namuslanmağa" çalışan tiplərdir bunlar... Ona görə də qadının vücuduna dair hər şeyi sanki özəlləşdiriblərmiş kimi sahiblənib özlərinin malı-mülkü hesab edirlər... Siqaret, içki əxlaq göstəricisi hesab olunursa, bu o deməkdir ki, o zaman
dünyadakı erkəklərin çox hissəsi əxlaqsızdırlar. Nədən həmin erkəklər bunu qəbul etmirlər də, amma iş qadının siqaret, içki istifadə etməsinə gələndə əxlaq
keşikçisi kəsilirlər başımıza? Əsl əxlaqsız insanların şəxsi həyatına yeri gəldi-gəlmədi burnunu soxan və onları ittiham edən tiplərdir...
Siqaret sadəcə bir alışqanlıqdır, bir tək vücuda zərərli
olmasından başqa, əxlaqa heç bir aidiyyəti yoxdur, nə kişi, nə də qadın üçün...