Kökəlmək üçün sınanmış məsləhətlər

Müəllif: Mr. OffiCeR
Şərhlər: 7
Baxılıb: 4 622
Səs ver:
(səs: 1)
Köklüyün ən sıx görüldüyü indiki zamanımızda daha çox arıqlama üsulları haqda məlumatlara rast gəlmək mümkündür.Ancaq arıq olub heç cürə kökələ bilməyən insanların sayı da az deyil.

Mənə edilən müraciətlər və saytımızdakı arıqlıqdan əziyyət çəkən xanımların xahişlərini nəzərə alaraq bir neçə mütəxəssis məqaləsindən umumiləşdirmə apardım və hazırladığım xəbərlə onlara faydalı olmaq istədim smile
Arıqlıq, xroniki xəstəliklərin, yeməmək pozuntularından,iştahsızlıq və qeyri-kafi qidalanma nəticəsində meydana gəlir.Arıq insanların xarici faktorlara qarşı müqaviməti daha aşağıdır. Daha asan xəstə olarlar və yaxşılaşma müddətləri daha uzun olar. Daha tez yorularlar. Dəri altı yağ təbəqələri yeterincə olmadığından soyuq iqlimlərdə bədən istiliyini qoruyub mühafizə etmək daha çətin olur. Köklük necə xroniki xəstəliklər üçün bir risk faktoru meydana gətirirsə, çox arıq olmaq da ürək çatışmazlığı və xərçəngdən ölüm riskini artırmaqdadır.Klimaks qabağı dövrdə qadınlar və yaşlılar üçün arıq olmaq osteoporoz(sümük əriməsi) riskini artırmaqdadır.

Kökəlmək üçün sınanmış məsləhətlər
Əvvəl arıqlığın səbəbi araşdırılmalı, daha sonra nəticəyə görə tədbir üsullarına keçilməlidir. Əgər arıqlığın səbəbi maddələr mübadiləsinin pozulmasından qaynaqlanırsa, pəhriz nə qədər düzəldilsə də nəticə alına bilməz. Əgər bu vəziyyət qeyri-kafi qidalanmadan qaynaqlanırsa, bu pəhrizlə düzəldilə bilər.

Necə qidalanmaq lazımdır?
Tez başa gələn ,boş kalorili  yeməkləri çox yemək kökəlmək  üçün yaxşı bir yol deyil. Bu tərz qidalar ümumiyyətlə sağlıqsız doymamış yağlarla zəngin olur. Əgər gündəlik enerjinizi artırmaq istəyirsinizsə , bu enerji sağlam qidalardan təmin edilməlidir. Yağ qrupundan omeqa-3  çox olan balıqlar ,kətan toxumu və ya qoz seçilə bilər. Zülallar üçün ən yaxşı seçki yağsız ətlər, balıq, toyuq,quru paxlalılarvə fındıqdır. Sağlam karbonhidratlar meyvələr, tərəvəzlər və tam taxıllı məhsullardır.

Kökəlmək üçün  köməkçi olacaq bəzi məsləhətlər :
* Əsas yeməklərdə ( səhər, günorta və axşam) süd qrupu, ət qrupu, taxıl qrupu və tərəvəz- meyvə qrupundan ən az bir çeşıd qida olmasına diqqət edin.
* Gündə 3 əsas yemək yeməkdənsə 5-6 kiçik  pay yeməklər hazırlamanız daha faydalı ola bilər.
* Yağlar mədədə uzun müddət qaldıqlarından ötəri toxluğu təmin edərlər. Bu səbəblə kökəlmək istəyən adamın pəhrizində yağda qızartmalar və çox yağlı qidalar iştirak etməməlidir. Ətli yeməklər yağ əlavə olunmadan bişirilməli, ətsiz olanlara da az miqdarda yağ qoyulmalıdır.
* Aralarda yeyəcəyiniz yeməklər boş kalori qaynağı olanlar deyil, meyvələr, süd və süd məhsulları, südlü şirnilər və tost(sandviç)kimi bəsləyici dəyərə sahib qidalar olmalıdır.
* Kartof qızartması, qızarmış toyuq və balıq yerinə sobada kartof, soyutma toyuq və balıq seçin, boşqabdakı miqdarlarını bir az artırın.
* Ala biləcəyiniz ən yaxşı sadə karbonhidratlı qidalar bal və bəhməzdir(doşab).
* Quru çərəzlər ( qoz, fındıq, badam) və quru meyvələr ( ərik, əncir vs) pəhrizinizin həm enerjisini, həm də vitamin və mineral ehtiyatını artırar.
 
*Pəhrizinizə kətan toxumu əlavə etmək həm omeqa-3 ehtiyatını , həm lif həm də enerji ehtiyatını artırar.
* Su, çay, qəhvə və mineral su kalori verməz. Qidalandırma dəyəri yüksək və daha çox enerji verən süd, ayran və ya meyvə şirəsi kimi içkiləri seçin.
* Mayelər mədənizi dolduraraq daha çox yemənizə mane olar. Ona görə maye içilməsini yeməklərdən 30- 60 dəqiqə əvvəl və ya sonra qəbul etmənizdə fayda var.
* Pəhrizinizdəki zülal miqdarını artırmaq üçün 1 stəkan südünüzə ¼ stəkan süd tozu, yeməklərinizə və salatlarınıza əlavə ət ( qırmızı ət, toyuq, balıq) və quru paxlalılar ( noxud,quru lobya) əlavə edə bilərsiniz.
* Vitamin və mineral ehtiyacınızı qarşıladığınızdan əmin olmaq üçün bir həkimlə və ya mütəxəssislə məsləhətləşərək vitamin- mineral komleksi istifadə edə bilərsiniz.
* Templi gediş, üzmə və velosiped kimi aerobik məşqlər və həddindən artıq edilən məşqlər bədəndə yağ itkisinə səbəb olar və arıqlaya bilərsiniz. Ağırlıq qaldırma məşqləri əzələ kütləsi artımında köməkçi ola bilər. Evdə və ya idman salonunda  əzələ məşqləri edə bilərsiniz. Sizə ən uyğun məşq proqramı üçün mütləq mütəxəssisindən kömək istəyin.
* Həyatınızdakı stressi azaltmağa çalışın. Əsəbiləşmə və gərginlik bədəninizdəki bütün əzələlərin gərilməsinə gətirib çıxarar, əzələlərin sıxılmaları da boş yerə enerji xərcləyər.
(səs: 1)
Şərhlər: 7
Baxılıb: 4 622
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri