Piylənmə prosesi insanın sağlamlığına olduqca ziyan vurur. Belə ki, insan özü hiss etmədən içində proses gedir və nəticədə həm çəki artımına, həm də bir çox xəstəliklərə gətirib çıxarır. Ürək, şəkərli diabet, xərçəng xəstəlikləri və yuxusuzluq piylənmə nəticəsində yaranır və bəzən sağalmaq heç də asan olmur. Bu səbəbdən də, gec olmadan insanlar çıxış yolları axtarırlar. Bu çıxış yollarından biri də qaragilə meyvəsidir. Qaragilə meyvəsi arıqlamaq üçün həm sağlam, həm də təbii yollardan biridir. Onun ölçüsünün kiçikliyinə baxmayaraq, daxilindəki faydalı maddələrin miqdarı həddindən artıq çoxdur.
Bəs görəsən bu giləmeyvə çəki itkisinə necə kömək edir? Bu giləmeyvənin tərkibində xüsusi maddələr mövcuddur. İnsanlar bu məhsuldan istifadə edən zaman həmin xüsusi maddələr qarın piylərinə təsir göstərir və onları əridir. Bunun sayəsində insanlar tədricən arıqlamağa başlayırlar. Bir fincan qaragilə şirəsinin tərkibində 84 kalori mövcuddur. Bu isə, olduqca kiçik rəqəmdir. Bu səbəbdən də, həm qaragilə meyvəsindən, həm də şirəsindən rahatlıqla istifadə oluna bilər.