Qənirə Paşayeva modern.az-a
müsahibəə verib. Millət vəkili müsahibə əsnasında necə arıqlamağından da
danışıb. Müsahibənin həmin hissəsini olduğu kimi təqdim edirik:
–
Birdən-birə həddindən artıq arıqladınız. Bu hadisədən sonra bəzi
insanlarda belə təsəvvür formalaşıb ki, Qənirə xanım ümumiyyətlə heç nə
yemir...
– Bu normal həyat tərzidir. Həm məktəb,
həm universitet, həm də çalışdığım illərdə kiloları olmayan insan idim. O
zaman idmanla məşğul olmaq imkanım vardı. Qidalanmaya diqqət yetirmək
imkanım daha geniş idi. Bir müddətdən sonra işlərim çoxaldığı üçün
idmanı atmaq məcburiyyətində qaldım. İşin ağır və gərginliyi qidalanma
rejimini də pozmağa kömək edir. Daha çox axşam qidalanmaya meylli bir
həyat tərzi idi. Hər bir iradəsi olan insan bunu çox rahat şəkildə
həyata keçirə bilər. Rejimi normaya qoyursunuz, nə olursa-olsun bu
şəkildə getməlidir.
– Deməli, "hava”yla qidalanmırsınız...
–
Xeyr. Normal qidalanmamaq sağlamlığa ciddi təhdid etmək deməkdir.
Vaxtlı-vaxtında heç bir qidanı özümə qadağa qoymuram. Əməliyyatla
arıqlama effektli ola bilməz. İnsan əgər öz həyat tərzini düzəltmirsə,
gedib əməliyyat olunmağın xeyri yoxdur. Arıqlamaq üçün dərman
preparatlarından istifadə etmək də çox böyük səhvdir.