Arıqlamaq
üçün ən çox müraciət edilən üsullardan biri pəhrizdir. Pəhriz saxlamaq
bir çoxumuz üçün çətin və üzücü olsa da, bu yolla qısa müddətdə
arıqlamaq mümkündür. Ancaq bir şərtlə: pəhrizin qaydalarına düzgün əməl
olunmalıdır. Məsələn, pəhrizdə qadağan edilmiş hər hansı bir qidaya yer
versəniz, 1 həftəlik əməyiniz də hədər gedir.
Pəhriz
saxlamaqda ən böyük çətinlik şirniyyat qadağası ilə bağlıdır. Şirniyyat
sevən qadınlar pəhrizi məhz bu səbəbdən tez-tez pozurlar. Hətta bu,
çəkdikləri əziyyətin hədər getməsi bahasına olsa belə.
Südlü
şokoladın və digər şirniyyatların tərkibində olan doymamış yağlar
orqanizmdən uzun müddət atılmır və kökəlmənin ən böyük səbəblərindən
biri olur.
Kalorisi
yüksək olan qidalardan uzaq durmaq lazımdır. Kotlet, çipsi, kola və
digərləri bu qrupda yer alır. Kartof qızartması və kotlet çox yağda
qızardıldığı üçün pəhriz zamanı qəti qadağandır. Bu cür yeməkləri kola
ilə içdikdə daha çox köklüyə səbəb olur.
Pəhrizlərdə,
adətən, çoxlu meyvə tərəvəz yemək tövsiyə edilir. Ancaq qlisemik
indeksi yüksək meyvələrdən mütləq uzaq durmağınız lazımdır. Banan, üzüm
də indeksi yüksək meyvələrdəndir və həddindən artıq yemək olmaz.
Nəhayət, yağlı çərəzlər və spirtli içkilərdən də uzaq durmaq tövsiyə edilir.