Virtual seks xəstəlikdir? - PSİXİATR YAZIR

Müəllif: Mr. OffiCeR
Şərhlər: 3
Baxılıb: 5 060
Səs ver:
(səs: 0)
Psixologiya və Konsultasiya Mərkəzinin psixoterapevti Orxan Fərəcli son illər sıx hal alan və bir çox ailələrdə ər-arvad münasibətinə mənfi təsir edən problemə toxunub. Psixiatr məqaləsində virtual erotik yazışmaların psixoloji aspektlərini hərtərəfli qabardıb.

Yəqin nə vaxtsa dost-tanışlarınızın və ya elə özünüzün də başınıza gəlib. Sosial şəbəkədə tanış olduğunuz biri müasibətiniz bir qədər irəliləyən kimi sizə "yanımda olsaydın..." tipli erotik mesajlar yazmağa başlayır. Əmin olun ki, bu, virtual aləmdə sizə yönəlmiş seks təklifinin başlanğıcıdır.

Virtual seks nədir?

Mesaj, telefon, "whatsApp" və digər interaktiv vasitələrlə bir-birilərinə erotik məzmunlu sözlər yazaraq ehtiraslandırmağı, orqazma çatmağı hədəf alan bir metoddur.

Şəxslər bəzən bir-birilərinin üzlərini görmədikləri üçün digər insanı fantaziyasına uyğun olaraq təsəvvür etməyə başlayır. Araşdırmalar virtual seksə meylli insanların böyük əksəriyyətinin  real həyatda normal cinsi həyatı olmayan, real seksdən həzz ala bilməyən və digər cinsi problemlərdən əziyyət çəkən insanlar olduqlarını göstərir. Bəzən evli cütlüklər öz cinsi həyatlarını rəngləndirmək üçün bundan istifadə edirlərsə, bu, norma kimi qəbul edilir.

Virtual seks xəstəlikdirmi?

İnternetdə yaşanan bu tip münasibətlərin sərhədlərini çəkmək, nəyin harda xəstəlik, harda norma kimi qəbul edildiyini vurğulmaq çox çətindir. Bir çox müəlliflərin yazdıqlarına baxsaq, virtual seks şəxsin sosial əlaqələrinə, ailə və uşaqları ilə münasibətinə, ən əsası, real seks həyatına ciddi mənada təsir etməyə başlayıbsa və şəxs bu tip münasibətlərdən artıq asılı bir vəziyyətə düşübsə, deməli, bu insana mütəxəssis yardımı qaçılmaz olmuşdur.

Virtual seks zövq verirmi?

İlk başlayan günlərdə bu tip yazışmalar olduqca zövqverici, ehtiraslandıran xarakter alır. Buna səbəb isə şəxsin realda həyata keçirə bilmədiyi bir çox fantaziyasını bu yolla reallışdırmasıdır. Daha sonra isə insan virtual seks etmədən normal həyatına davam edə bilmir, real cinsi həyatında sönüklük yaranmağa, şəxsin özündə ciddi bir günahkarlıq duyğusu hakim kəsilməyə başlayır.

İnsanlar niyə virtual seksə meylli olurlar?

Bu sualı əgər bu işi görən hər hansı bir insana versəniz, yəqin ki, buna bənzər bir cavab alacaqsınız – "Onsuz da heç üzünü də görmürəm, burda nə var ki?”

Məsələnin mahiyyəti əslində bu cavabda öz əksini tapır. İnsanlar bu tip münasibətləri daha güvənli, daha etibarlı hesab edirlər. Çünki bir çox hallarda yazışdıqları adamı görmədikləri üçün özlərinə problem də hesab etmirlər. Ehtiras, fantaziya çox, utanma hissi yox. Məhz bu səbəbdən də virtual seksə meyllilik bu qədər çoxalıb.

Kimlər daha çox meyllidir? Qadınlar, ya kişilər? Evlilər, ya subaylar?

Araşdırmalar evli insanların virtual seksə daha çox meylli olduğunu bildirir. Daha konkret isə evli kişilər arasında bu tip münasibətlər üstünlük təşkil edir.

Virtual seks xəyanət hesab olunurmu?

Bu sualın bir mənalı cavabı var. Bəli. Virtual seks, virtual məkanda erotik məzmunlu yazışmalar xəyanət hesab olunur. Təcrübə göstərir ki, ilk vaxtlarda əyləncəli bir oyun kimi qəbul olunan, vaxt keçirmək məqsədi daşıyan bu tip münasibətlərin 50 %-dən çoxu bir qədər keçdikdən sonra real həyata daşınaraq gələcəkdə çox ciddi problemlərin yaşanmasına zəmin hazırlayır.

Nə etməli?

İş və ev həyatınız arasında konkret sərhədlər qoymağa çalışın. Evdə olarkən internet istifadəsinə müəyyən məhdudiyyətlər qoymaqla siz evdə həyat yoldaşınızla daha çox vaxt keçirmə fürsəti əldə etmiş olursunuz. Realda toxunaraq, nəvaziş göstərərək həzz almaq əmin olun ki, cinsi həyatınıza əlavə rəng gətirəcəkdir.
(səs: 0)
Şərhlər: 3
Baxılıb: 5 060
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri