Divarlarınızı dağıdın!

Xoşbəxt olmaq üçün həmişə başqa yerlərdə bir şey axtarmaq lazım olduğunu güman edirik. Halbuki, tək etməli olduğumuz xoşbəxtliyi öz içimizdə axtarmaq və doğru hesab etdiyimiz bəzi səhvlərimizdən imtina etməkdir. Oxuyun:

Keçmişi geridə qoymaq
Keçmişi arxada qoyun və həyatınıza davam edin. Keçmişdə etdiyiniz səhvləri və səhv seçimləri özünüzə dərd etməkdən əl çəkin. Keçmişdə olan oldu və onu artıq dəyişdirə bilmənizin imkanı yoxdur. Artıq gələcəyə baxmalı və özünüz üçün doğru addımlar atmalısınız.
     
Hadisələri və insanları sinifləndirməyin
Həm özünüzü, həm də başqalarını etiketləndirməyi və sinifləndirməyi buraxın. Mühakimə etmək başqalarını və özünüzü sevmənizə mane olur.
     
Özünüzə əsəbiləşməyin
Özünüzü nə qədər tez-tez etdiyiniz bir şey üçün danlayırsınız? Bunu etməyi bir an əvvəl buraxın. Hamımızın səhvləri var, heç birimiz mükəmməl deyilik.
     
Hər zaman haqlı olmaq məcburiyyətində deyilsiniz
İnsan hər zaman haqlı ola bilməz. Özünüzə də yanılma payı verin və hər şeyi bilmək məcburiyyətində olmadığınızı ağlınızdan çıxarmayın. Hamımız bu həyatda bir tələbə və müəllimik.
     
Şikayət etməkdən əl çəkin
Həyatda hər zaman şikayət edəcək bir şeylər var. Hava, insanlar, nəqliyyat deyəndə şikayət edəcək bir şey tapmaq çox asandır amma bunu etmək sadəcə sizi daha bədbəxt edər. Bu neqativ dövriyyədən uzaqlaşın və əlinizdəkilər üçün şükür edin.
     
Həyatınızı başqalarının gözləntilərinə görə yaşamayın
Həyatda etdiyimiz ən böyük səhv özümüz üçün deyil, başqaları üçün yaşamaqdır. Başqalarının nə düşünəcəyini və ya ana atanızın nə istədiklərini boş verin. Öz xəyallarınız və arzularınızın arxasınca gedin.
     
Dəyişikliyə qarşı döyüşməyi buraxın
Daha azad və daha xoşbəxt olmağın yolu divarlarınızı dağıtmaqdır. Mühakimə etməyi, ətrafınıza divar hörməyi, tənqid etməyi buraxın və həyatın axarına görə hərəkət edin. Çox daha xoşbəxt olacaqsınız.