Damarlar tutulanda ürək bədənin digər bölgələrinə qan daşıya bilmir. Belə olduqda ürək xəstəlikləri inkişaf edir.
Ürək-damar sağlamlığını qoruya bilmək üçün bəslənmədə bəzi dəyişikliklər edilməlidir.

Qadınla.Com damar təxanıqlığına səbəb olan qidaların siyahısını təqdim edir:

Ət
Ət doymuş yağ və xolesterol nisbəti yüksək olan qidadır. Bu səbəbdən də həftədə 2 və ya daha çox miqdarda istehlak edilən yağlı qırmızı ət damarların tıxanmasına səbəb ola bilər.

Yumurta
Yumurtanın sarısı damarları tıxayan lipoproteinlərlə zəngindir.
Bir yumurtada 5 qram yağ, 186 milli qram xolesterol (tövsiyə edilən miqdarın yarısından çoxu deməkdir) var.

Toyuq dərisi
Toyuğun və ya hind toyuğunun dərisi damarların divarlarındakı yağın miqdarını çoxaldırlar.
Məsələn, toyuğun qanadı ümumiyyətlə dərisi soyulmadan qızardılır. Zərərsiz görünsə də dəridəki kalori və lipoprotein miqdarı yüksəkdir.
Yalnız bir ədəd qızarmış toyuq qanadında 10 qram yağ və 160 kalori var.

Trans yağ
Hər gün yediyimiz yeməklərin çoxunda trans yağlar və ya qismən hidrogenlənmiş əsas yağ turşuları var. Damar tıxanıqlığının əsas səbəblərindən biri trans yağlardır.
Ümumiyyətlə, işlənmiş qidalarda, marqarində, sobadan çıxmış məhsullarda və donmuş qidalarda trans yağlar çoxdur.