Çərəzi kim sevməz ki? Bəziləri artıq çəki yaratdığı üçün çərəzdən imtina etsələr də, çərəzin sağlamlığımız üçün tayı-bərabəri yoxdur.
İndi də çərəzin faydaları haqqında:
Günəbaxan tumu: Gərginliyi və həyəcanı aradan qaldırır.
Püstə: Sidik yolundakı qumları təmizləyir. Öd kisəsi və böyrək ağrıları üçün faydalıdır. Bundan başqa, öskürəyi kəsir.
Badam: Xolesterolu aşağı salır.
Acı badam: Sinəni yumşaldır, öskürəyi kəsir.
Qoz: Sinirlərin qıcıqlanmasını və əzələ toxumalarının fəaliyyətini təmin edir. Tərkibində olan fosfor və kalsiumun köməyi ilə beyin yorğunluğunu aradan qaldırırır. Bundan başqa, qoz sümükləri və dişləri də möhkəmləndirir.
Fındıq: Xolesterolu aşağı salır və infarkt ehtimalını azaldır. Bundan başqa, sümükləri və dişləri möhkəmləndirir, enerji verir.
Boranı tumu: Boranı tumu prostat üçün faydalıdır.
Şabalıd: Şabalıdın tərkibində yüksək miqdarda karbohidrat və protein var. Hətta şabalıdda olan protein süddə olan proteinə bərabərdir. B1, B2 və C vitaminləri ilə zəngin olan şabalıd ürək-damar xəstəlikləri üçün də xeyirlidir. Lifli bir qida olduğu üçün antikanserogen təsirə malikdir. Tərkibində olan yağ turşuları damar sərtləşməsinin qarşısını alır.
Qaysı: Qara ciyər hüceyrələrinin çoxalmasına imkan verir, xərçəngdən qoruyur. Dəmir çatışmazlığından irəli gələn qan azlığı üçün faydalıdır.
Kişmiş: Dəmirlə zəngin olan kişmiş qanı artırır. Kişmiş həmçinin yaddaş üçün də xeyirlidir.