O, qarabaşaq və sirkan kimi qədim dənli bitkidir. Darı deyəndə hələ də çoxlarının ağlına bir şey gəlir: quş yemi.
Doğrudur, bu bitkidən ABŞ və Avropada, əsasən, heyvan yemi kimi istifadə
olunur. Lakin Çin, Hindistan və Afrikanın bəzi yerlərində zülalla
zəngin darı vacib qida mənbəyidir.
Darı getdikcə artan dünya əhalisinin əsas qidası ola bilər. Darı
quraqlıq və yüksək temperatura dözümlüdür, odur ki dəyişən iqlim
şəraitində ideal qida məhsuludur. Bundan əlavə, bu dənli bitki tez
böyüyür və zərərvericilərə qarşı dözümlüdür.
Bu enerji mənbəyinin, sadəcə, tanıtıma ehtiyacı var. Dünyada yeni
qidaların tanıdılması çətin olsa da, müasir pəhriz dəbi darının köməyinə
çata bilər: onun tərkibində qlüten yoxdur.
Darı şorbası
Lazımdır: 400 qr darı, 1 litr su və 600 qr qatıq.
Hazırlanması: Darı isladılır və yavaşca döyülür. Qaynayan suya əlavə
edilərək, bişirilir. Bişəndən sonra soyudulur və qatıqla qarışdırılaraq
içilir. Bu şorba gürcülərin Petv şorbası ilə analojidir.